Peddi movie item song leak : గ్లోబల్ స్టార్ రామ్ చరణ్(Global Star Ram Charan) హీరో గా నటిస్తున్న ‘పెద్ది'(Peddi Movie) చిత్రం కోసం అటు అభిమానులు ఎంత ఆతృతగా ఎదురు చూస్తున్నారో, ఇటు ప్రేక్షకులు, ట్రేడ్ వర్గాలు కూడా అంతే ఆతృతగా ఎదురు చూస్తున్నారు. అన్నీ అనుకున్నట్టు పర్ఫెక్ట్ గా జరిగి ఉండుంటే , ఈ చిత్రం మరో మూడు రోజుల్లో ప్రేక్షకుల ముందుకు వచ్చేది. ఓవర్సీస్ లో రికార్డు స్థాయి అడ్వాన్స్ గ్రాస్ ని చూసి అభిమానులు సంబరాలు చేసుకునేవారు. రెండు తెలుగు రాష్ట్రాల్లోని థియేటర్స్ ఈపాటికి బ్యానర్స్ , కటౌట్స్ తో ముస్తాబు అయ్యి ఉండేది. కానీ పోస్ట్ ప్రొడక్షన్ వర్క్ లో పర్ఫెక్షన్ కోసం ఈ చిత్రాన్ని జూన్ నెలకు వాయిదా వేశారు. రీసెంట్ గా జరిగిన ఒక ఈవెంట్ లో ఆ చిత్ర డైరెక్టర్ బుచ్చి బాబు ఈ చిత్రాన్ని జూన్ 25 న విడుదల చేయబోతున్నట్టు అధికారిక ప్రకటన కూడా చేసేసాడు.
ఏప్రిల్ 30 న సినిమా విడుదల అవ్వకపోయిన పర్వాలేదు , కానీ ఆరోజు రామ్ చరణ్ ఫ్యాన్స్ కి మరో శుభ వార్త రెడీ గా ఉంది. అదేంటంటే ఆరోజుతో ‘పెద్ది’ మూవీ కి సంబంధించిన షూటింగ్ మొత్తం పూర్తి అవ్వబోతుంది. ప్రస్తుతానికి రామ్ చరణ్ , శృతి హాసన్ లపై జానీ మాస్టర్ కొరియోగ్రఫీ లో ఒక ఐటెం సాంగ్ ని చిత్రీకరిస్తున్నారు. నేడు ఈ ఐటెం సాంగ్ షూటింగ్ హీరోయిన్ జాన్వీ కపూర్ కూడా పాల్గొన్నది. వీళ్ళ ముగ్గురు కలిసి వేసే స్టెప్పులు అభిమానులను ఉర్రూతలూ ఊగించడం ఖాయమని అంటున్నారు మెగా ఫ్యాన్స్. ఇదంతా పక్కన పెడితే ఈ ఐటెం సాంగ్ షూటింగ్ కి సంబంధించిన ఒక చిన్న వీడియో క్లిప్ ఇప్పుడు సోషల్ మీడియా లో లీకై బాగా వైరల్ అయ్యింది. ఈ వీడియో లో రామ్ చరణ్ పోనీ టైల్ వేసుకొని కనపడగా, శృతి హాసన్ హాట్ డ్రెస్ లో చిందులు వేస్తోంది.
ఈ వీడియో క్లిప్ ని చూసి రామ్ చరణ్ అభిమానులు ఎంతగానో మురిసిపోతున్నారు. లీకైన ఫుటేజీ లోనే ఆయన ఈ రేంజ్ లో ఉంటే , ఇక ఫుల్ వీడియో అధికారికంగా విడుదలయ్యాక రామ్ చరణ్ ఏ రేంజ్ లో ఉంటాడో , శృతి హాసన్ కూడా ఈ పాటలో హాట్ అందాలతో కుర్రాళ్లను పిచ్చెక్కిపోయేలా చేయబోతుంది. ఈ పాట కోసం శృతి హాసన్ కి మూడు కోట్ల రూపాయిల రెమ్యూనరేషన్ ఇస్తున్నారట మేకర్స్. త్వరలోనే ఈ పాటకు సంబంధించిన లిరికల్ వీడియో సాంగ్ ని విడుదల చేయడానికి సిద్ధంగా ఉంది మూవీ టీం.
