Peddi Hindi box office collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం బాక్స్ ఆఫీస్ వద్ద సృష్టిస్తున్న వసూళ్ల సునామీ గురించి ఎంత చెప్పిన తక్కువే. మెగా ఫ్యామిలీ హీరోల సినిమాలకు పబ్లిక్ లో టాక్ ఉంటే , కలెక్షన్స్ ఎక్కడ మొదలై , ఎక్కడ ఆగుతుంది అనేది ఎవ్వరూ చెప్పలేరని ట్రేడ్ విశ్లేషకులు అంటుంటారు. అందుకు ది బెస్ట్ ఉదాహరణ గా ‘పెద్ది’ చిత్రం నిల్చింది. 6 రోజుల్లో ప్రపంచవ్యాప్తంగా ఈ చిత్రానికి 273 కోట్ల రూపాయిల గ్రాస్ వసూళ్లు వచ్చాయి. అందులో కేవలం తెలుగు వెర్షన్ వసూళ్లే 250 కోట్ల రూపాయలకు పైగా ఉంటుంది. అయితే ఈ చిత్రానికి మొదటి రోజు నుండి హిందీ వెర్షన్ లో ఆశించిన స్థాయి వసూళ్లు నమోదు అవ్వలేదు, కానీ 6 వ రోజున హిందీ వెర్షన్ వసూళ్లు కాస్త పికప్ అయ్యాయి. రోజులవారీగా ఈ చిత్రానికి హిందీ లో ఎంత నెట్ వసూళ్లు వచ్చిందో ఒకసారి చూద్దాం.
అక్కడి ట్రేడ్ పండితులు అందిస్తున్న సమాచారం ప్రకారం ఈ చిత్రానికి మొదటి రోజున హిందీ వెర్షన్ నుండి 3 కోట్ల 25 లక్షల రూపాయిల నెట్ వసూళ్లు వచ్చాయి. అదే విధంగా రెండవ రోజున 2 కోట్ల 50 లక్షలు , 3 వ రోజున 3 కోట్ల 10 లక్షలు , నాల్గవ రోజున 3 కోట్ల 65 లక్షలు , 5 వ రోజున 1 కోటి 30 లక్షల రూపాయిల నెట్ వసూళ్లు వచ్చాయి. ఇక నార్త్ ఇండియా లో మంగళవారం రోజున నేషనల్ మల్టీప్లెక్స్ థియేటర్స్ లో టికెట్ రేట్స్ మీద ఆఫర్స్ ఇస్తుంటారు. ఆ కారణం చేత ఈ సినిమా కలెక్షన్స్ లో కాస్త జంప్ వచ్చింది. 6 వ రోజున దాదాపుగా 1 కోటి 55 లక్షల రూపాయిల నెట్ వసూళ్లు వచ్చాయి.
ఓవరాల్ గా ఈ చిత్రానికి 6 రోజుల్లో 15 కోట్ల 35 లక్షల రూపాయిల నెట్ వసూళ్లు హిందీ వెర్షన్ నుండి వచ్చాయి. గ్రాస్ వసూళ్లు దాదాపుగా 20 కోట్ల రూపాయిల వరకు ఉండొచ్చు. ఈ వీకెండ్ హిందీ కలెక్షన్స్ మరోసారి భారీ లెవెల్ లో పికప్ అయ్యే అవకాశాలు ఉన్నాయని , ఫుల్ రన్ లో ఈ చిత్రానికి 40 కోట్ల రూపాయిల గ్రాస్ వసూళ్లు , 32 కోట్ల రూపాయలకు పైగా నెట్ వసూళ్లు కచ్చితంగా వస్తాయని అంటున్నారు ట్రేడ్ విశ్లేషకులు. హిందీ లో కాస్త మేకర్స్ ప్రొమోషన్స్ చేయడం మొదలు పెడితే, కలెక్షన్స్ ఇంకా పికప్ అయ్యే అవకాశాలు ఉన్నాయని అంటున్నారు, చూడాలి మరి ఈ సినిమా హిందీ వెర్షన్ వసూళ్లు ఎక్కడ దాకా వెళ్లి ఆగుతుంది అనేది.
