Panjaa Movie Re Release: ప్రతీ ఏడాది పవన్ కళ్యాణ్ పుట్టినరోజు వేడుకలను ఆయన అభిమానులు ఏ రేంజ్ లో చేస్తారో ప్రత్యేకించి చెప్పనవసరం లేదు. రెండు తెలుగు రాష్ట్రాల్లో ఒక పెద్ద పండుగ వాతావరణం వచ్చింది అనే రేంజ్ ని తలపిస్తారు పవన్ వీరాభిమానులు. దానికి తోడు రాష్ట్ర వ్యాప్తంగా ఎవా కార్యక్రమాలు , రక్త దానాలు వంటివి కూడా గట్టిగానే చేస్తారు. కాలేజీలలో సెలెబ్రేషన్స్ అయితే వేరే లెవెల్ లో ఉంటాయి. అయితే గత నాలుగేళ్ల నుండి మన టాలీవుడ్ లో రీ రిలీజ్ ట్రెండ్ మొదలైంది. ఈ ట్రెండ్ లో పవన్ కళ్యాణ్ , మహేష్ బాబు పాత సినిమాలు బాక్స్ ఆఫీస్ వద్ద వండర్స్ ని క్రియేట్ చేశాయి. ప్రస్తుతానికి మొదటి రోజు రికార్డు కూడా పవన్ కళ్యాణ్ ఫ్యాన్స్ ఖాతాలోనే ఉంది. ఆయన హీరో గా నటించిన సెన్సేషనల్ బ్లాక్ బస్టర్ ‘గబ్బర్ సింగ్’ ని 2024 సెప్టెంబర్ 2న విడుదల అవ్వగా, మొదటి రోజు 8 కోట్ల రూపాయలకు పైగా గ్రాస్ వసూళ్లను రాబట్టింది.
ఇప్పటి వరకు ఈ రికార్డు ని ఎవ్వరూ ముట్టుకోలేకపోయారు.ఈ రికార్డు ని మళ్లీ మేమే బద్దలు కొడుతాం , ఈ ఏడాది అని పవన్ కళ్యాణ్ అభిమానులు సవాలు చేశారు. ఎందుకంటే ఈ పుట్టినరోజు కి పవన్ కళ్యాణ్ కెరీర్ ని మలుపు తిప్పిన చిత్రం ‘బద్రి’ ని గ్రాండ్ గా రీ రిలీజ్ చేద్దామని అనుకున్నారు. కానీ కోర్టు లో ఆ సినిమాకు కొన్ని సమస్యలు ఉండడం వల్ల , ఆ చిత్రానికి బదులుగా ‘పంజా’ చిత్రాన్ని విడుదల చేయబోతున్నారు. పంజా సినిమా పవన్ కళ్యాణ్ కెరీర్ లో ఎంతటి ఘోరమైన డిజాస్టర్ ఫ్లాప్ గా నిల్చిందో ప్రత్యేకించి చెప్పనవసరం లేదు, ఓపెనింగ్స్ అయితే అప్పట్లో బాగానే వచ్చాయి కానీ , అత్యధిక శాతం మంది జనాలు ఈ చిత్రాన్ని పవన్ కళ్యాణ్ గత చిత్రం ‘బాలు’ తో పోలి ఉండడం చూసి నెగెటివ్ టాక్ చెప్పుకొచ్చారు.
పైగా ఫస్ట్ హాఫ్ రేంజ్ లో సెకండ్ హాఫ్ లేకపోవడం కూడా అభిమానులను తీవ్రమైన నిరాశకు గురి చేసింది. అందుకే అప్పట్లో ఈ చిత్రం ఫ్లాప్ అయ్యింది. కానీ కాలక్రమేణా ఈ చిత్రానికి జెన్ జీ ఆడియన్స్ లో మంచి క్రేజ్ ఏర్పడింది. ఎందుకంటే పవన్ కళ్యాణ్ అల్ట్రా స్టైలిష్ లుక్స్ , యాక్టింగ్ , ఫైట్ సన్నివేశాలు , ఇవన్నీ కూడా నేటి తరం ఆడియన్స్ లో మంచి క్రేజ్ ని తెచ్చి పెట్టేలా చేశాయి. ‘ఓజీ’ చిత్రం కంటే , ‘పంజా’ సినిమానే బాగుందని, ఈ చిత్రాన్ని థియేటర్స్ లో మిస్ అయ్యినందుకు చాలా బాధపడుతున్నామని , ఇప్పుడు విడుదల చేస్తే రికార్డ్స్ మొత్తం బద్దలు అవుతాయని అంటున్నారు ఫ్యాన్స్. అందుకే ఈ చిత్రాన్ని రీ ఎడిట్ చేసి , ఈ ఏడాది సెప్టెంబర్ 2 న గ్రాండ్ గా విడుదల చెయ్యాలని చూస్తున్నారు, మరి అభిమానుల అంచనాలను అందుకుంటుందా లేదా అనేది చూడాలి.
