Pallavi Prashanth: బుల్లితెరపై బిగ్ బాస్ తెలుగు సీజన్ -7 చివరి స్టేజీకి చేరింది. ఈనెల 17వ తేదీన బిగ్ బాస్ ప్రొగ్రాం గ్రాండ్ ఫినాలే జరగనుందని సమాచారం. అయితే ఈ సారి బిగ్ బాస్ విన్నర్ అంటూ పలువురు పేర్లు నెట్టింట్లో తెగ హల్ చల్ చేస్తున్నాయి. అందులో మొదటి పేరు రైతుబిడ్డ పల్లవి ప్రశాంత్.
సాధారణ వ్యక్తిగా బిగ్ బాస్ హౌజ్ లోకి వచ్చిన పల్లవి ప్రశాంత్ ప్రస్తుతం బిగ్ బాస్ టాప్ కంటెస్టెంట్ గా కొనసాగుతున్నాడు. విశిష్టమైన ఆటతీరుతో గుర్తింపు తెచ్చుకున్నాడు. రైతుబిడ్డగా తనకంటూ ప్రత్యేక ఇమేజ్ ను కలిగి ఉన్న పల్లవి ప్రశాంత్ సోషల్ మీడియాలో ప్రశంసలు అందుకుంటున్నారు.
తాజాగా పల్లవి ప్రశాంత్ గురించి మరో వార్త నెట్టింట్లో ప్రస్తుతం వైరల్ గా మారింది. టాలీవుడ్ టాప్ హీరోగా సాగుతున్న పవర్ స్టార్ పవన్ కల్యాణ్ సినిమాలో రైతుబిడ్డకు అవకాశం వచ్చిందంటూ ఓ వార్త చక్కర్లు కొడుతోంది. డైరెక్టర్ హరీశ్ శంకర్, హీరో పవన్ కాంబినేషన్ లో వస్తున్న చిత్రం ఉస్తాద్ భగత్ సింగ్. ఈ సినిమాలో పల్లవి ప్రశాంత్ నటించనున్నాడని టాక్ వినిపిస్తోంది.
మరోవైపు సినీ దర్శకుడు హరీశ్ శంకర్ బిగ్ బాస్ షోను రెగ్యులర్ గా ఫాలో అవుతుంటారట. ఈ క్రమంలోనే పల్లవి ప్రశాంత్ ఆటతీరు ఆయనకు బాగా నచ్చిందని తెలుస్తోంది. అందుకే పవన్ కల్యాణ్ నటిస్తున్న ఉస్తాద్ భగత్ సింగ్ సినిమాలో తనకు పాత్ర ఇవ్వాలని దర్శకుడు హరీశ్ శంకర్ యోచిస్తున్నారని సమాచారం. బిగ్ బాస్ గ్రాండ్ ఫినాలే ఎపిసోడ్ లో గెస్ట్ గా రానున్న హరీశ్ శంకర్ ఈ విషయాన్ని స్వయంగా ప్రకటిస్తారని సోషల్ మీడియాలో వార్త హల్ చల్ చేస్తున్నాయి. దీనిపై రైతుబిడ్డ ఫాలోవర్స్, అభిమానులు హర్షం వ్యక్తం చేస్తున్నారు.
