OG 2 Movie: ‘సోషల్ మీడియా లో గత వారం రోజుల నుండి ఎక్కడ చూసినా ‘ఓజీ 2’ మేనియా నే కనిపిస్తోంది. గత ఏడాది దసరా కానుకగా విడుదలైన ఈ చిత్రం , జెన్ జీ ఆడియన్స్ ని విపరీతంగా అలరించింది. ఓటీటీ లోకి ఎంట్రీ ఇచ్చిన తర్వాత , ఈ చిత్రానికి పాన్ ఇండియా లెవెల్ లో ఇంకా ఎక్కువ రీచ్ వచ్చింది. దీంతో అభిమానుల నుండి ‘ఓజీ 2’ కచ్చితంగా కావాల్సిందే అనే డిమాండ్ రోజురోజుకి పెరుగుతూ పోవడం తో , వాళ్ళ కోసం పవన్ కళ్యాణ్ ‘ఓజీ 2’ చిత్రం చేయడానికి నడుం బిగించారు. ఈ సినిమాకు సంబంధించిన చర్చలు మొదలయ్యాయి. రీసెంట్ గానే డైరెక్టర్ సుజిత్ పవన్ కళ్యాణ్ ని కలిసి ఈ సినిమా స్టోరీ ని వినిపించారు. ఆయనకు తెగ నచ్చేసింది , ఈ సినిమా కోసం ఎంత దూరమైనా వస్తా, ఏదైనా చేస్తా అని ఆయన మాట ఇచ్చారు.
ఈ వీడియో ని చూసిన తర్వాత అభిమానులు మెంటలెక్కిపోయారు, ముఖ్యంగా సుజిత్ పవన్ కళ్యాణ్ కి ఈ చిత్రం లోని సన్నివేశాలను వివరించే విధానం వాళ్లకు గూస్ బంప్స్ రప్పించింది. ఆయన చెప్పిన సన్నివేశాలకు AI ద్వారా విజువల్ రూపం ఇస్తూ , సోషల్ మీడియా లో ఎన్నో వేల ఎడిటింగ్స్ ని అప్లోడ్ చేశారు నెటిజెన్స్. ముఖ్యంగా గంభీర పెట్ డ్రాగన్ అంటూ ఏ రేంజ్ ఎడిటింగ్స్ వచ్చాయో మన అందరం చూసాము, చూస్తూనే ఉన్నాం. ఇదంతా పక్కన పెడితే గత రెండు రోజుల క్రితమే ఈ సినిమాలో హీరోయిన్ పాత్ర కోసం బాలీవుడ్ టాప్ హీరోయిన్స్ ని సంప్రదిస్తున్నారు అంటూ వార్తలు వచ్చిన సంగతి తెలిసిందే. అభిమానులు ఈ విషయం తెలుసుకొని సంబరాలు చేసుకున్నారు. అయితే ఇప్పుడు లేటెస్ట్ గా మరో వార్త వినిపిస్తోంది.
ఈ చిత్రంలో హీరోయిన్ పాత్ర కోసం హాట్ బ్యూటీ పూజ హెగ్డే ని ఎంచుకునే ఆలోచనలో ఉన్నారట సుజిత్. త్వరలోనే దీనికి సంబంధించిన అధికారిక ప్రకటన కూడా చేస్తారట. పూజ హెగ్డే హీరోయిన్ అయితే కొంతమంది అభిమానులు సంతోషిస్తున్నారు కానీ , ఎక్కువ శాతం మంది అభిమానులు మాత్రం మాకొద్దు బాబోయ్ అంటున్నారు. ఎందుకంటే పూజా హెగ్డే ఈమధ్య కాలం లో చేసిన ప్రతీ సినిమా కమర్షియల్ గా ఘోరమైన డిజాస్టర్ ఫ్లాప్ గా నిల్చింది. రీసెంట్ గా బాలీవుడ్ డీసెంట్ హైప్ తో విడుదలైన సినిమా కూడా యావరేజ్ రేంజ్ లో ఆడింది. ప్రస్తుతం ఆమె టైం అసలు బాలేదు , ఇలాంటి సమయం లో ఆమెని ఏరికోరి ‘ఓజీ 2’ లాంటి సినిమాలో తీసుకోవడం అవసరమా అని మెజారిటీ పవన్ అభిమానులు అంటున్నారు. మరి సుజిత్ రాబోయే రోజుల్లో ఏ నిర్ణయం తీసుకుంటారో చూడాలి.
