NTR Dragon Movie: జూనియర్ ఎన్టీఆర్ పుట్టిన రోజు సందర్భంగా , ఈ నెల 20 న ఆయన హీరో గా నటిస్తున్న ‘డ్రాగన్’ మూవీ కి సంబంధించిన గ్లింప్స్ వీడియో ని విడుదల చేయబోతున్న సంగతి తెలిసిందే . కాసేపటి క్రితమే మూవీ టీం ‘APOCALYPSE’ అంటూ ఒక ట్వీట్ వేసింది. అంటే ‘ప్రపంచం మొత్తం నాశనం అవ్వబోతుంది’ అని దాని అర్థం. ఎన్టీఆర్ క్యారక్టర్ తాలూకు పవర్ ఫుల్ నేచర్ ని వివరించేందుకే ఈ పదాన్ని ఉపయోగించారు. అయితే ఇప్పటి వరకు టీజర్ , గ్లింప్స్ వీడియోస్ వంటివి కేవలం నిమిషం నిడివి తో , లేదా 2 నిమిషాల నిడివి తో విడుదల చేసేవారు. కానీ ‘డ్రాగన్’ గ్లింప్స్ వీడియో నిడివి ఏకంగా 4 నిమిషాల 35 సెకండ్లు ఉండబోతుంది అట. ఇండియన్ ఫిలిం ఇండస్ట్రీ హిస్టరీ లోనే ఇంత లెంగ్త్ తో ఇప్పటి వరకు ఒక్క గ్లింప్స్ కూడా రాలేదు.
ఈ నాలుగు నిమిషాల వీడియో లో ఎన్టీఆర్ మాస్ విద్వంసాన్ని ప్రశాంత్ నీల్ తన స్టైల్ లో చూపించాడట. ఎన్టీఆర్ లుక్ కూడా చాలా పవర్ ఫుల్ గా ఉండబోతుందని , ఇప్పటి వరకు ఏ డైరెక్టర్ కూడా ఆయన్ని ఈ విధంగా చూపించలేకపోయారని అంటున్నారు. ప్రశాంత్ నీల్ టీజర్ , గ్లింప్స్ వీడియోస్ తోనే విస్ఫోటనం సృష్టించడం లో దిట్ట. ఆయన మొదటి చిత్రం ‘కేజీఎఫ్’ టీజర్ విడుదల అయ్యినప్పుడు కూడా ఇంతే. అప్పటి వరకు కన్నడ ప్రజలకు తప్ప, ఈ ప్రశాంత్ నీల్ , యాష్ వంటి వారు ఎవరికీ తెలియదు. కానీ ఈ సినిమా టీజర్ విడుదల తర్వాత ప్రపంచం మొత్తం దాని గురించే మాట్లాడుకోవడం జరిగింది. అది ప్రశాంత్ నీల్ విజన్ రేంజ్, ఇక కేజీఎఫ్ సీక్వెల్ టీజర్ తో కూడా ఆయన సృష్టించిన సునామీ మామూలుది కాదు.
ఆ తర్వాత విడుదలైన ‘సలార్’ టీజర్ కూడా మూవీ లవర్స్ ని విపరీతంగా ఆకట్టుకొని , అంచనాలను భారీగా పెంచేలా చేసింది. ఇక జూన్ 20 న విడుదల చేయబోయే ‘డ్రాగన్’ గ్లింప్స్ , ప్రశాంత్ నీల్ కెరీర్ లోనే ది బెస్ట్ గా ఉండబోతుందని అంటున్నారు. అంటే ఏ రేంజ్ లో ఉండబోతుందో ఊహించుకోవచ్చు. ఇప్పటికే ఈ చిత్రం పై అంచనాలు తారా స్థాయిలో ఉన్నాయి, ఇక ఈ గ్లింప్స్ వీడియో విడుదల అయ్యాక ఆ అంచనాలు ఏ రేంజ్ కి చేరుకుంటాయో చూడాలి. ఇకపోతే ఈ చిత్రం లో హీరోయిన్ గా రుక్మిణి వసంత్ నటిస్తోంది. ప్రస్తుతానికి షూటింగ్ కి తాత్కాలిక విరామం ఇచ్చారు. త్వరలోనే భారీ షెడ్యూల్ ని ప్లాన్ చేయబోతున్నారు మేకర్స్.
