Ram Charan: శంకర్​, చెర్రీ కాంబో నుంచి ఆసక్తికర అప్​డేట్​!

Ram Charan: మెగాపవర్​స్టార్ రామ్​చరణ్ హీరోగా రాజమౌళి దర్శకత్వంలో తెరకెక్కుతోన్న సినిమా ఆర్​ఆర్​ఆర్​. ఇందులో చెర్రితో పాటు ఎన్టీఆర్​ కూడా నటిస్తున్నారు. ఇప్పటికే ఈ సినిమా నుంచి వచ్చిన పాటలు, ప్రోమోలు మంచి హైప్ క్రియేట్ చేస్తున్నాయి . ఇదిలా ఉండగా, మరోవైపు మెగాపవర్​ స్టార్​ రామ్​చరణ్ హీరోగా.. దర్శకుడు శంకర్​ ఓ భారీ పాన్​ ఇండియా సినిమాకు తెరలేపారు. ఇటీవల ఈ సినిమాకు సంబంధించిన ఫస్ట్​ షెడ్యూల్​ కూడా మొదలైంది. ఇందులో కొన్ని కీలక సన్నివేశాలు చిత్రీకరించినట్లు తెలుస్తోంది. ఇందులో సాలిడ్ యాక్షన్​ సీక్వెన్స్​ ప్లాన్ చేసిన శంకర్​.. ప్రస్తుతం రెండో షెడ్యూల్​కి రెడీ అవుతున్నట్లు సమాచారం.

ఈ నవంబరు 15 నుంచి ఈ సినిమా కొత్త షెడ్యూల్​ మొదలుపెట్టనున్నట్లు ఇండస్ట్రీలో టాక్​.  హైదరాబాద్​లోనే ఈ షూటింగ్​ జరగనున్నట్లు తెలుస్తోంది.  ఇప్పటికే విడుదల చేసిన పోస్టర్​తో ఈ సినిమాపై అంచనాలు నెక్ట్స్​ లెవెల్​లో ఉన్నాయి. ఈ చిత్రంలో కియారా హీరోయిన్ గా నటిస్తోంది. థమన్ సంగీతం ఇస్తున్నారు. దిల్​ రాజు నిర్మాతగా వ్యవహరిస్తున్నారు.

మరోవైపు రోబోతో భారీ హిట్​ కొట్టిన శంకర్​. ఆతర్వాత వచ్చిన ఐ, రోబో2.0 సినిమాలు భారీ డిజాస్టర్​ను మూటకట్టుకున్నాయి. దీంతో శంకర్​- చెర్రి కాంబినేషన్​లో వచ్చే సినిమా ఎలా ఉండబోతోందనే విషయంపై అనేక ఊహాగానాలు ఇండస్ట్రీలో వినిపిస్తున్నాయి. మరోవైపు, భారతీయుడు 2 సినిమా కూడా  శంకర్​ తీస్తున్న సంగతి తెలిసిందే. అయితే, ప్రస్తుతం ఈ సినిమా షూటింగ్​ ఆగిపోయింది. కాగా, రామ్​చరణ్​ ఆచార్య సినిమాలోనూ నటిస్తున్న సంగతి తెలిసిందే. వచ్చే ఏడాది ఫిబ్రవరి 4న ఈ సినిమా విడుదల కానుంది.