Shyam Singha Roy: నాచురల్ స్టార్ నాని హీరోగా రాహుల్ సంకృత్యాన్ ద‌ర్శ‌క‌త్వంలో ప్రస్తుతం నటిస్తున్న చిత్రం “శ్యామ్ సింగరాయ్”. ఈ సినిమాలో సాయి పల్లవి, కృతి శెట్టి, మడోన్నా సెబాస్టియన్ లు హీరోయిన్స్ గా నటిస్తున్నారు. నిహారిక ఎంటర్‌టైన్‌మెంట్స్ బ్యానర్‌ ప్రొడక్షన్ నెంబర్ వన్‌గా వెంకట్ బోయనపల్లి ఈ మూవీని నిర్మిస్తున్నారు. ఈ సినిమాను డిసెంబ‌ర్ 24 తెలుగు తో పాటు త‌మిళ, క‌న్న‌డ, హిందీ, మ‌ల‌యాళ భాష‌ల‌లో పాన్ ఇండియా రెంజ్ లో విడుద‌ల చేస్తున్నారు. నాని కేరీయ‌ర్ లోనే అత్య‌ధిక బ‌డ్జెట్ తో తీసిన మూవీ ఇదే కావ‌డం విశేషం. అయితే తాజాగా ఈ సినిమాకు సంబంధించి ప్రమోషన్స్ ను గట్టిగానే ప్లాన్ చేస్తున్నట్లు తెలుస్తుంది.
Shyam Singha Roy
Also Read: మరోకొత్త ప్రాజెక్టు ను రెడీ చేసిన ఆర్జీవి… “తులసి తీర్ధం” అనే టైటిల్ ఖరారు
అష్టా చమ్మాతో సినిమా కెరీర్ ప్రారంభించిన నాని… రీసెంట్ గా టాక్ జగదీష్ వరకు విభిన్న పాత్రలు, వినూత్న కదలతో ప్రేక్షకులను అలరించాడు. అయితే నానికి ఇదే మొదటి ప్యాన్ ఇండియా చిత్రం, మొదటి పీరియాడికల్ ఫిల్మ్ కావడంతో ఇదో ప్రత్యేక చిత్రంగా నిలవబోతోంది. అందుకే ప్రమోషన్ విషయంలో ఏ మాత్రం రాజీ పడటం లేదు మూవీ టీమ్. వరుస అప్డేట్ లతో సినిమాపై అంచనాలను పెంచుతున్న చిత్రబృందం ఇకపై దీన్ని మరింత పెంచబోతున్నారు అని తెలుస్తుంది. ప్యాన్ ఇండియా సినిమా కావడంతో దేశంలోని ప్రధాన నగరాల్లో ప్రమోషన్స్ ని ప్లాన్ చేస్తున్నారంట. ఆయా సిటీ లలోని జనాన్ని కలిసి, వారి దృష్టికి తమ సినిమాని తీసుకెళ్లాలని అనుకుంటున్నారు. అలాగే మూడు వేల మంది అభిమానులతో ఓ ఫ్యాన్‌ మీట్ ఏర్పాటు చేసే ప్లాన్స్‌లో ఉన్నారట మూవీ యూనిట్. ఇప్పటికే ఈ సినిమా నుంచి విడుదలైన పోస్టర్లు, పాటలు , టీజర్ లకు ప్రేక్షకుల నుంచి మంచి స్పందన లభించింది. ఈ ప్రమోషన్లతో సినిమా మరోస్థాయికి వెళ్తుందని సినీ వర్గాల్లో టాక్ నడుస్తుంది.
Also Read: సింపుల్గా ‘అఖండ’ ప్రీరిలీజ్ ఈవెంట్.. బాలయ్య బాబే కారణం?
