నేచురల్ స్టార్ నాని దీపం ఉండగానే టాలెంట్ తో కాసులు సంపాదించుకుంటున్నాడు. హీరోగా కంటే నిర్మాతగానే ఎక్కువ ప్రయోగాలు చేస్తున్నాడు. ఆ ప్రయోగాలు హిట్ అయ్యి లాభాల పంట పండిస్తున్నాడు.
కొత్త టాలెంట్ ను ఎంకరేజ్ చేయడంలో హీరో నాని ముందున్నాడు. సరికొత్త కథలను, సరికొత్త హీరోలతో ప్రయోగం చేసి సక్సెస్ అందుకుంటున్నాడు. ఇప్పటికే తొలి చిత్రంగా ‘ఆ’ మూవీ తీశాడు. హీరోయిన్ ఓరియెంటెడ్ మూవీ అయిన ఈ సినిమా సోసోగా ఆడినా నష్టాలు మాత్రం రాలేదు. ఇది ప్రయోగాత్మక చిత్రంగా నిలిచింది.
ఇక ఆ తర్వాత తీసిన ‘హిట్’ మూవీ కాసులు కురిపించింది. బ్లాక్ బస్టర్ అయ్యి మంచి లాభాలను తెచ్చిపెట్టింది. హిందీలోనూ వెళ్లి నానికి ఎక్స్ ట్రా ఆదాయాన్ని ఇచ్చింది.
ఈ ఊపులోనే నాని మరో సినిమా అనౌన్స్ చేశాడు. ‘మీట్ క్యూట్’ పేరుతో లేడి ఓరియెంటెడ్ సినిమాగా తీస్తున్నాడు. ఇందులో ఏకంగా ఐదుగురు హీరోయిన్లను పెడుతున్నాడట.. వారంతా ఒకటి రెండు రోజుల పాత్రలే. కాల్షీట్లు రెండు రోజులు మాత్రమే. అంతా అతిథి పాత్రలట.. అలా నానికి ఖర్చు లేకుండా మంచి ఊపు వచ్చేలా సినిమా ప్లాన్ చేస్తున్నాడట.. రెండు రోజుల కోసం హీరోయిన్లకు తక్కువ ఇచ్చి ఎక్కువ మార్కెట్ చేసుకొని సొమ్ము చేసుకోవాలని నాని ప్లాన్.
మరి ఈ ప్లాన్ వర్కవుట్ అవుతుందా.? ఈ కొత్త సినిమా ‘మీట్ క్యూట్’ ఎలాంటి ఫలితాన్ని ఇస్తుందనేది వేచిచూడాలి.
