Nagarjuna : ‘సమంత – చైతు’ పై వచ్చిన ఆ వార్తలు పూర్తిగా తప్పు – నాగార్జున

Nagarjuna :  సమంత- నాగచైతన్య విడాకుల  విషయంలో   ‘సమంతే తొలుత విడాకులు కావాలని కోరిందని,  ఆమె నిర్ణయాన్ని గౌరవించిన చైతూ అందుకు అడ్డుచెప్పలేకపోయాడని,  సమంత నిర్ణయానికి కారణం నాకు తెలియదు.  అయితే.. విడాకుల విషయంలో పరువు, మర్యాద గురించి చైతన్య ఎక్కువగా ఆలోచించాడు’ అని నాగార్జున చెప్పినట్టు  ఈ రోజు ఓ వార్త  బాగా వైరల్ అయింది. అసలు  సమంతే చైతుని విడాకులు  అడిగింది  అని నాగార్జున చెప్పడం నిజంగా షాకింగ్ విషయమే.  ఇది అసలు  నమ్మశక్యంగా లేదు అని  మేము ముందే రివీల్ చేశాము. 

అయితే, మేము ముందు చెప్పినట్టుగానే ఇదంతా పేక్ అని తేలిపోయింది.  నాగార్జున ఈ విషయం గురించి మాట్లాడుతూ..  ‘సమంత- నాగచైతన్య విడాకులపై తాను చెప్పినట్లుగా సోషల్ మీడియా, కొన్ని న్యూస్ ఛానెళ్లలో వస్తున్న వార్తలు పూర్తిగా తప్పు అని హీరో నాగార్జున తెలిపాడు. అవన్నీ నాన్‌ సెన్స్ వార్తలని ట్విట్టర్ వేదికగా కొట్టిపారేశాడు. సోషల్ మీడియాలో వచ్చే రూమర్స్‌ను వార్తలుగా రాయవద్దని మీడియా మిత్రులకు విజ్ఞప్తి చేస్తున్నట్లు పేర్కొన్నాడు.

ఏది ఏమైనా   చైతు  – సమంత   విడాకులకు ముఖ్య కారణం  ఇదే అంటూ ఇప్పటికే  అనేక పుకార్లు పుట్టించారు.  అయితే,   సమంత రీసెంట్  గా  తన ఇన్‌స్టాగ్రామ్ అకౌంట్ నుంచి విడాకుల ప్రకటన పోస్టును తొలగించడం  సోషల్ మీడియాలో  బాగా  చర్చనీయాంశమైంది. సామ్-చై మళ్లీ కలుస్తున్నారు అంటూ  రూమర్స్ మొదలయ్యాయి.  అటు  అభిమానుల్లోనూ   ఈ చర్చ మొదలైంది.   

సమంత షాకింగ్ నిర్ణయం తీసుకుందని.. విడాకుల పోస్ట్ డిలీట్ వెనుక ఏదో కారణం ఉందని రూమర్స్ కూడా వినిపించాయి.  కానీ నాగార్జున అప్పుడు కూడా పూర్తి భిన్నంగా స్పందిస్తూ.. ; చైతు – సామ్ మళ్ళీ కలవక పోవచ్చు’ అంటూ చెప్పాడు.ఏది ఏమైనా    మొత్తానికి  ప్రేమించి పెళ్ళి చేసుకున్న నాగచైతన్య-సమంత వైవాహిక బంధానికి స్వస్తి పలికారు.