Naayak Movie: కొన్ని సీన్లు చూస్తే ఇది ఈ సినిమాలోది కాదు కదా ఫలానా సినిమాలోది కదా అనిపిస్తుంది. అచ్చం అలాంటి సీన్లు కాపీ చేస్తారో.. లేదా అనుకోకుండా పెడుతారో.. కానీ ప్రేక్షకులు మాత్రం తికమక పడుతుంటారు. ఇలాంటి సీన్లు సినిమాల్లో చాలా సార్లు రిపీట్ అవుతుంటాయి. అలాంటి సీన్ రామ్ చరణ్(Ram Charan), ఎన్టీఆర్(NTR) సినిమాల్లో రిపీట్ అయింది. అయితే నాయక్ సినిమాలో వచ్చే ఓ సీన్ తారక్ సినిమాలో నుంచి కాపీ కొట్టారని టాక్ వచ్చింది. ఇంతకీ ఆ సీన్ ఏంటంటే..
మెగాస్టార్ నట వారసుడిగా ఇండస్ట్రీకి ఎంట్రీ ఇచ్చిన రామ్ చరణ్ చాలా తక్కువ సమయంలోనే ఇండస్ట్రీలో స్టార్ హీరోగా ఎదిగాడు. ప్రస్తుతం గ్లోబల్ స్టార్ గా కూడా తన పేరును సుస్థిరం చేసుకున్నాడు. ఇప్పుడు శంకర్ డైరెక్షన్ లో గేమ్ చేంజర్ అనే సినిమా చేస్తున్నాడు రామ్ చరణ్. దీంతో పాటుగా బుచ్చిబాబు డైరెక్షన్ లో మరొక సినిమా కూడా కమిట్ అయ్యాడు. ఈ రెండు సినిమాలతో పాటు మరి కొన్ని సినిమాల కథలను కూడా వింటున్నాడని టాక్.
రామ్ చరణ్ చేస్తున్న వరుస సినిమాలే ఆయనను స్టార్ గా నిలబెట్టాయి అంటారు ఫ్యాన్స్. ఇదిలా ఉంటే రామ్ చరణ్ నటించిన నాయక్ సినిమాలో రెండు సీన్లు చూస్తే మనకు సింహాద్రి సినిమా నుంచి కాపీ కొట్టినట్టుగా అనిపిస్తాయి. అది ఏంటంటే.. నాయక్ ఇంటర్వెల్ తర్వాత రౌడీని గుండెలో పొడిచి చంపేస్తాడు. ఇక సింహాద్రి లో కూడా భూమిక ఒక సడెన్ ట్విస్టు ఇస్తూ ఎన్టీఆర్ ను గుణపంతో గుండెల్లో గుచ్చుతుంది. అదే విధంగా నాయక్ సినిమాలో కూడా ఒక ట్విస్ట్ రివీల్ చేస్తూ నడుస్తుంది.
అలాగే సింహాద్రి సినిమాలో కేరళలో ఎన్టీఆర్ వల్ల అక్కను ఒకరు చంపితే ఆ చంపిన వాన్ని హీరో చంపి అక్కడ సింగమలై గా మంచి గుర్తింపును సంపాదించుకుంటాడు. ఇక ఇక్కడ రామ్ చరణ్ వాళ్ల బావ రాజీవ్ కనకాలని ఒకరు చంపితే తను కూడా వాళ్లను చంపి అక్కడ నాయక్ గా ఎదుగుతాడు. ఇలా ఈ రెండు సినిమాలకు మధ్య ఈ సీన్లలో కామన్ గా కనెక్షన్లు ఉన్నాయి. అందుకే ఈ సినిమా రిలీజ్ అయినప్పుడు నాయక్ సినిమా మీద చాలా విమర్శలైతే వచ్చాయి.
