తెలుగు పరిశ్రమలో ఎంఎస్ రాజు పేరు తెలియని వారుండరు. ఆయన పేరు చెప్పగానే ఎన్నో హిట్‌ చిత్రాలు గుర్తుకొస్తాయి. ఆయన నిర్మించిన సినిమాలు ‘శత్రువు’, ‘దేవి’, ‘మనసంతా నువ్వే’, ‘ఒక్కడు’, ‘వర్షం’, ‘నువ్వొస్తానంటే నేనొద్దంటానా’ వంటి సినిమాలు ఇండస్ట్రీ హిట్స్‌గా నిలిచాయి. ‘పౌర్ణమి’ వంటి క్లాసిక్‌ మూవీస్‌ను కూడా నిర్మించి మంచి పేరు తెచ్చుకున్నారాయన. ఎంతో మంది హీరోలు, హీరోయిన్లు, టెక్నీషియన్లను తెలుగు తెర‌కు పరిచయం చేసిన ఘనత ఆయనది. అయితే, 2008లో ‘వాన’ అనే మూవీతో డైరెక్టర్గా మారారు. అది హిట్‌ కాకపోయినా.. ఎంఎస్ రాజులో మంచి దర్శకుడు ఉన్నాడన్న విషయం తెలిసింది. ఆపై, ‘తూనీగ తూనీగ’ అనే మరో చిన్న సినిమా తీశారు. ఆ మూవీ 2012లో వచ్చింది. ఇన్నాళ్లూ సినిమాలకు దూరంగా ఉన్న ఎం.ఎస్ ఇప్పుడు మరోసారి మెగాఫోన్‌ పట్టారు. ఆయన దర్శకత్వంలో తెర‌కెక్కిన ట్రెండీ ఫిల్మ్ ‘డర్టీ హరి’.
‘ఆచార్య’లో తమన్నా ఐటమ్‌ సాంగ్!
ఎస్.పి.జి. క్రియేషన్స్ పతాకంపై గూడూరు సతీష్ బాబు, గూడూరు సాయి పునీత్ నిర్మించారు. శ్రవణ్ రెడ్డి హీరో. సిమ్రత్ కౌర్, రుహాణి శర్మ నాయిక‌లు. రొమాంటిక్ థ్రిల్లర్‌గా తెరకెక్కుతున్న ఈ చిత్రం ట్రైలర్ త్వరలో విడుదల చేయనున్నట్టు నిర్మాతలు తెలిపారు. ఎన్నో విజయవంతమైన చిత్రాలను ఇండస్ట్రీకి అందించిన రాజు ఇప్పుడు డిఫరెంట్‌ కాన్సెప్ట్‌తో ‘డర్టీ హరి’ తీశారు. నేటి యూత్‌ను దృష్టిలో పెట్టుకుని మూవీని ప్రేక్షకుల ముందుకు తీసుకొతున్నారు. పోస్టర్స్‌ చూస్తుంటే ఇది పూర్తిగా బోల్డ్‌ కంటెంట్‌ ఉన్న స్టోరీ అనిపిస్తోంది. ప్రతి పోస్టర్లో హీరో, హీరోయిన్ల గాఢమైన లిప్‌లాక్స్‌ ఉన్నాయి. మనం నిత్యం క‌లిసే మనుషుల్లో దాగి ఉండే ఆటవికత్వం, విచక్షణారాహిత్యం వంటి అంశాల చుట్టూ క‌థ న‌డుస్తుందని, క‌ఠోర‌మైన వాస్తవాలను ఎం.ఎస్. రాజు తెర‌కెక్కించారని చిత్ర యూనిట్‌ చెబుతోంది. క‌థ‌లో వినోదాన్ని కూడా అద్భుతంగా మేళ‌వించారట. మూవీ పోస్ట్‌ ప్రొడక్షన్‌ పనులు కూడా పూర్తయ్యాయని, రిలీజ్‌కు సిద్ధంగా ఉందని నిర్మాతలు ప్రకటించారు. త్వరలోనే విడుదల తేదీని అనౌన్స్‌ చేస్తామని చెప్పారు.
