MS Dhoni : నేటి తరం క్రికెటర్స్ లో విపరీతమైన ఫ్యాన్ ఫాలోయింగ్ ఉన్న టాప్ 1 ప్లేయర్ ఎవరు అంటే మన అందరికి గుర్తుకు వచ్చే పేరు మహేంద్ర సింగ్ ధోని. ఇండియాకి మూడు వరల్డ్ కప్పులు, అలాగే ఇండియన్ ప్రీమియర్ లీగ్ మ్యాచులలో 4 కప్పులు తీసుకొచ్చిన ఘనత ఆయన సొంతం. ప్రస్తుతం ఆయన చెన్నై సూపర్ కింగ్స్ టీం తరుపన చివరి లీగ్ ఆడుతున్నాడు.
ఈ లీగ్ అయిపోయిన తర్వాత ఆయన శాశ్వతంగా క్రికెట్ కి రిటైర్మెంట్ ఇవ్వబోతున్నాడు. దీని తర్వాత ఆయన సినీ రంగం లోకి అడుగుపెట్టబోతున్నాడు. ధోని ఎంటర్టైన్మెంట్స్ పేరుతో ఒక బ్యానర్ ని స్థాపించాడు.ప్రస్తుతం ఆయన తమిళం లో LGM అనే సినిమాను నిర్మిస్తున్నాడు. ఈ చిత్రం తర్వాత తమిళం లో స్టార్ హీరో గా ఒక వెలుగు వెలుగుతున్న విజయ్ తో ఒక సినిమా చేయబోతున్నాడు.
కేవలం తమిళంలో మాత్రమే కాదు, తెలుగులో కూడా ఆయన సినిమాలను నిర్మించబోతున్నాడట. సూపర్ స్టార్ మహేష్ బాబు, ఐకాన్ స్టార్ అల్లు అర్జున్ తో సినిమాలు చేసేందుకు ఇప్పటికే చర్చలు కూడా జరిపినట్టు సమాచారం. పవర్ స్టార్ పవన్ కళ్యాణ్ తో కూడా ఒక సినిమా తీయబోతున్నాడు అని వార్తలు వచ్చాయి కానీ, అందులో ఇలాంటి నిజం లేదని తర్వాత తెలిసింది.
బాలీవుడ్ లో కూడా హృతిక్ రోషన్ తో ఒక సినిమా చేయబోతున్నాడు అని టాక్. అలా వరుసగా క్రేజీ ప్రాజెక్ట్స్ చేస్తూ సినీ రంగంలో కూడా సక్సెస్ సాధించే దిశగా అడుగులు వేస్తున్నాడు ధోని. మరి ఆయనకీ విజయాలు వరిస్తాయో లేదో చూడాలి. మరోపక్క ధోనికి రాజకీయాల మీద కూడా ఆసక్తి ఉన్నట్టు తెలుస్తోంది. సినిమాలకు సంబంధించిన వ్యవహారాలు అన్నీ ఆయన భార్య సాక్షి చూసుకుంటుందని. ధోని రాజకీయాలపై ఫోకస్ చేస్తాడని వినికిడి.
