Megoti Sanjeev Apologizes to Varalaxmi: హీరోయిన్ గా , విలన్ గా, క్యారెక్టర్ ఆర్టిస్టుగా సౌత్ లో వరలక్ష్మి శరత్ కుమార్ తనకంటూ ఏర్పాటు చేసుకున్న పవర్ ఫుల్ ఇమేజ్ సాధారమైనది కాదు. ఈమె ఒక సినిమాలో ఒప్పుకొని నటించిందంటే చాలు , కచ్చితంగా ఆ చిత్రంలో ఎదో ఒక విశేషం ఉంది అని ఆడియన్స్ ఫిక్స్ అయ్యే రేంజ్ నమ్మకాన్ని సొంతం చేసుకుంది. తెలుగు ఆడియన్స్ కి ఈమె విలన్ గానే ఎక్కువ సుపరిచితమైంది. క్రాక్ , యశోద, తెనాలి రామకృష్ణ BABL వంటి చిత్రాల్లో ఈమె పోషించిన విలన్ రోల్స్ కి ఆడియన్స్ నుండి మంచి రెస్పాన్స్ వచ్చింది. కేవలం విలన్ రోల్స్ లో మాత్రమే కాదు , పాజిటివ్ రోల్స్ తో కూడా ఈమె చాలా బలమైన ఇంప్యాక్ట్ చూపించింది. రీసెంట్ గానే ఈమె చేసిన లేడీ ఓరియెంటెడ్ మూవీ ‘సరస్వతి’. ఈ చిత్రంలో ఆమె ప్రధాన పాత్ర పోషించడమే కాదు , దర్శకురాలిగా కూడా వ్యవహరించింది. ఆ చిత్రానికి మంచి రివ్యూస్ కూడా వచ్చాయి కానీ , ఎందుకో కమర్షియల్ గా సక్సెస్ అవ్వలేకపోయింది.
రీసెంట్ గా ఈమె ‘పోలీస్ కంప్లైంట్’ అనే చిత్రంలో కీలక పాత్ర పోషించింది. అయితే ఈ సినిమా ప్రొమోషన్స్ సమయం లో డైరెక్టర్ మేగోటి సంజీవ్ చేసిన వివాదాస్పద ఆరోపణలు సంచలనంగా మారింది. ఈ సినిమా ప్రమోషనల్ కార్యక్రమాల్లో పాల్గొనమని ఆమెని రిక్వెస్ట్ చేస్తే ఒప్పుకోలేదని, ఈమెకు ప్రొమోషన్స్ కోసం ప్రత్యేకమైన రెమ్యూనరేషన్ ప్యాకేజ్ ఇవ్వాలని సంచలన వ్యాఖ్యలు చేసాడు. దీనిపై సోషల్ మీడియా లో తీవ్రమైన విమర్శలు వచ్చాయి. కొంతమంది నమ్మిన వాళ్ళు ఉన్నారు , మరికొంత మంది వరలక్ష్మి కి సపోర్టుగా వచ్చిన వాళ్ళు కూడా ఉన్నారు. అయితే ఈ అంశం పై డైరెక్టర్ మేగోటి సంజీవ్ వరలక్ష్మి కి క్షమాపణలు చెప్తూ ఒక వీడియో ని విడుదల చేశాడు. ఆయన మాట్లాడుతూ ‘సినిమా విడుదల బాగా ఆలస్యం అయ్యింది అనే ఒత్తిడి లో ఉన్నాను , ఆ ఒత్తిడి లో వరలక్ష్మి గారిపై పొరపాటున నోరు జారాను. ఆమె చేతికి గాయం అయ్యినప్పటికీ కూడా, ఈ సినిమాని పూర్తి చేయడానికి ఎంతో కష్టపడ్డారు. షూటింగ్ సమయం లో ఆమె మమ్మల్ని తన సొంత కుటుంబ సభ్యులు లాగానే చూసింది. ఆమెపై అనుచిత వ్యాఖ్యలు చేసినందుకు క్షమాపణలు’ అంటూ చెప్పుకొచ్చాడు. ఈ చిత్రం నేడు ప్రపంచవ్యాప్తంగా తెలుగు , తమిళ భాషల్లో విడుదలైంది.
