Manchu Lakshmi: ప్రముఖ మలయాళ హీరో మోహన్లాల్ ప్రధాన పాత్రలో ప్రియదర్శన్ దర్శకత్వంలో తెరకెక్కుతోన్న సినిమా మరక్కర్: అరబికడలింటే సింహమ్. 15 వ శతాబ్దానికి చెందిన నేవర్ చీఫ్ మహమ్మద్ అలీ మరక్కర్ అలియాస్ కుంజాలి మరక్కర్ జీవిత కథ ఆధారంగా ఈ సినిమా రూపొందించారు. డిసెంబరు 2న ఈ సినిమా అన్ని థియేటర్లలో విడుదలయ్యేందుకు సిద్ధమైంది. మరోవైపు, మోహన్లాల్ ప్రధాన పాత్రలో తెరకెక్కుతోన్న సినిమా మాన్స్టార్.
అయితే, ఈ సినిమాలో టాలీవుడ్ సీనియర్ నటుడు మంచు మోహన్ బాబు కుమార్తె మంచు లక్ష్మీ నటించనున్నట్లు తెలుస్తోంది. దీంతో మంచు లక్ష్మీ మలయాళం ఫిల్మ్ ఇండస్ట్రీలోకి అడుగుపెట్టనున్నట్లు సమాచారం. ఈ సినిమా థ్రిల్లర్ కథాంశంతో తెరకెక్కనుంది. ఇందులో లక్ష్మీ కీలక పాత్రలో కనిపించనున్నట్లు టాక్.
ఈ థ్రిల్లర్ కథను వినగానే.. మంచు లక్ష్మీ ఓకే చెప్పినట్లు తెలుస్తోంది. ఈ సినిమాకు వైశాఖ్ దర్శకత్వం వహిస్తున్నారు. ఇప్పటికే ఈ సినిమాలోని మోహన్హాల్కు సంబంధించిన ఫస్ట్లుక్ను మేకర్స్ విడుదల చేశారు. ఇందులో మోహన్లాల్ లక్కీ సింగ్ అనే పంజాబీ పోలీస్ ఆఫీసర్ పాత్రలో కనిపించనున్నారు. ఫస్ట్ లుక్లో కూడా మోహన్లాల్ పంజాబీ స్టైల్లోనే కనిపించారు.
గతంలో మన్యం పులి, లూసీఫర్, దృశ్యం 2 సినిమాలతో ప్రేక్షకుల ముందుకు వచ్చారు మోహన్లాల్. ఈ సినిమాలు ప్రేక్షకులను అమితంగా ఆకట్టుకున్నాయి. మోహన్లాల్ తెలుగులోనూ కొన్ని సినిమాలు విడుదల చేస్తుంటారు. ఈ క్రమంలోనే తెలుగు ప్రేక్షకులకూ ఆయన బాగా కనెక్ట్ అయ్యారు. దీంతో, ప్రస్తుతం నటిస్తున్న సినిమాలను కూడా తెలుగులో విడుదల చేసేందుకు సిద్ధమయ్యారు.
