OG Movie
OG Movie : పవన్ కళ్యాణ్ ప్రస్తుతం చేస్తున్న చిత్రాలలో అభిమానులతో పాటు, ప్రేక్షకుకులు కూడా భారీ అంచనాలతో ఎదురు చూస్తున్న చిత్రం ‘ఓజీ’. సుజిత్ దర్శకత్వం లో తెరకెక్కుతున్న ఈ సినిమా పవన్ కళ్యాణ్ కెరీర్ లో ఒక మైలు రాయిగా నిలిచిపోతుందని బలమైన నమ్మకంతో ఉన్నారు మేకర్స్. గత ఏడాది పవన్ కళ్యాణ్ పుట్టినరోజు సందర్భంగా విడుదల చేసిన గ్లిమ్స్ వీడియోకి ఏ రేంజ్ రెస్పాన్స్ వచ్చిందో ప్రత్యేకంగా చెప్పనవసరం లేదు. ఇప్పటి వరకు టాలీవుడ్ స్టార్ హీరోల సినిమాలకు సంబంధించిన గ్లిమ్స్/ టీజర్ వీడియోలు ఎన్నో విడుదల అయ్యాయి. కానీ ‘ఓజీ’ గ్లిమ్స్ రేంజ్ లో ఒక్కటి కూడా ఆకట్టుకోలేకపోయింది. కేవలం ఈ ఒక్క గ్లిమ్స్ తో ఈ సినిమాకి ఏర్పడిన బజ్ మామూలు రేంజ్ కాదు. కేవలం థియేట్రికల్ రైట్స్ 200 కోట్ల రూపాయలకు పలుకుతుందట. ఈ రేంజ్ బిజినెస్ ఇటీవల కాలం లో ‘పుష్ప 2’ కి మాత్రమే జరిగింది.
ఇదంతా పక్కన పెడితే ఈ సినిమాలో పవన్ కళ్యాణ్ కొడుకు అకిరా నందన్ ఒక చిన్న పాత్రలో కనిపించబోతున్నాడని, ఆ పాత్ర ఈ సినిమాకి ఎంతో కీలకమని, అభిమానులకు థియేటర్స్ లో పూనకాలు వస్తాయని సోషల్ మీడియా లో ఒక వార్త తెగ ప్రచారం అవుతున్న సంగతి తెలిసిందే. అయితే మొదట్లో ఈ వార్త కేవలం రూమర్ మాత్రమే అని కొట్టిపారేశారు అభిమానులు. కానీ ఇది రూమర్ కాదని, నిజమేనని నేడు సోషల్ మీడియా లో ఒక ప్రముఖ వెబ్ సైట్ ప్రచురించింది. దీనికి ట్విట్టర్ లో నిర్మాత దీవీవీ స్పందిస్తూ ‘బాబు..కాళీగా ఉంటే రామకోటి రాసుకో..ఇలాంటివి రాసి నన్ను ఇబ్బంది పెట్టకు’ అంటూ ‘నువ్వు నాకు నచ్చావ్’ చిత్రంలో వెంకటేష్ తన తండ్రి చంద్రమోహన్ తో ఫోన్ కాల్ లో మాట్లాడే సన్నివేశాన్ని రిప్లై గా ఇస్తాడు.
అయితే ఇక్కడే అభిమానులు అయ్యోమయంలో పడ్డారు, దీవీవీ ఇలాంటి విషయాలు రాయొద్దు అని చెప్పాడా?, లేకపోతే ఫేక్ వార్తలు రాయొద్దు అనే ఉద్దేశ్యంతో చెప్పాడా? అనేది వాళ్లకు అర్థం కాలేదు. అతను రాసిన ఆ వార్త ఫేక్ అని మాత్రం కుండబద్దలు కొట్టినట్టు చెప్పలేదు కాబట్టి కచ్చితంగా ఈ సినిమాలో అకిరా నందన్ ఉన్నట్టే అని అభిమానులు ఫిక్స్ అయిపోయారు. రెండు రోజుల క్రితమే అకిరా కి సంబంధించిన కీలక సన్నివేశాలను చిత్రీకరించారట. పవన్ కళ్యాణ్ టీనేజ్ లో ఉన్నప్పటి క్యారక్టర్ ని అకిరా నందన్ చేసినట్టు తెలుస్తుంది. మరి ఇందులో ఎంత మాత్రం నిజమో ఉందో చూడాలి. జనవరి 1వ తేదీన న్యూ ఇయర్ సందర్భంగా ఈ సినిమా నుండి మొదటి పాట విడుదల చేసే ఆలోచనలో ఉన్నారట మేకర్స్.