Mahesh Rajamouli Movie First Look: మహేష్(Super Star Mahesh Babu) అభిమానులతో పాటు, ఇండియన్ ఫిల్మ్ ఇండస్ట్రీ మొత్తం నవంబర్ 15వ తేదీ కోసం ఆతృతగా ఎదురు చూస్తున్నారు. కారణం ఆరోజున రాజమౌళి(SS Rajamouli) తో మహేష్ చేస్తున్న చిత్రానికి సంబంధించిన టైటిల్, ఫస్ట్ లుక్ గ్లింప్స్ ని రివీల్ చేయబోతున్నారు. ఇందుకోసం రామోజీ ఫిల్మ్ సిటీ సిటీ లో భారీ ఈవెంట్ ని ప్లాన్ చేశారు. లక్ష మంది అభిమానులు ఈ ఈవెంట్ కి హాజరు అవుతారని అంచనా. అందుకు సంబంధించిన ఏర్పాట్లు కూడా చకచకా సాగిపోతున్నాయి. ఈ చిత్రానికి వారణాసి అనే టైటిల్ ని ఖరారు చేసినట్టు వార్తలు వినిపిస్తున్నాయి. ఇందులో ఎంత మాత్రం నిజం ఉంది అనేది నేడే ఒక క్లారిటీ వచ్చే అవకాశం ఉంది. ఎందుకంటే కాసేపటి క్రితమే రాజమౌళి ఒక ట్వీట్ వేసాడు. ఈ ట్వీట్ కి సోషల్ మీడియా మొత్తం షేక్ అయ్యింది.
Also Read: పవన్ కళ్యాణ్ చేతిలో దెబ్బలు తిని అవకాశాలు కోల్పోయిన టాప్ కమెడియన్…
ఆయన మాట్లాడుతూ ‘మహేష్, పృథ్వీ రాజ్ మరియు ప్రియాంక చోప్రాలతో క్లైమాక్స్ సాన్నివేశం చిత్రీకరణ లో ఫుల్ బిజీ గా ఉన్నాం. అయినప్పటికీ కూడా నవంబర్ 15 న జరగబోయే ఈవెంట్ కి సంబంధించిన ఏర్పాట్లను పరిశీలిస్తూనే ఉన్నాం. ఆ రోజు కోసం మీలాగానే నేను కూడా ఎంతో ఆతృతగా ఎదురు చూస్తున్నాను. నాకు తెలుసు మీరు 15వ తేదీ వరకు ఆగలేరని, అందుకే ఈ వారం మొత్తం కొన్ని అప్డేట్స్ తో మిమ్మల్ని సర్ప్రైజ్ చేయబోతున్నాను. నేడు ఈ సినిమాలో విలన్ క్యారక్టర్ చేస్తున్న పృథ్వీ రాజ్ ఫస్ట్ లుక్ ని విడుదల చేయబోతున్నాము’ అంటూ చెప్పుకొచ్చాడు రాజమౌళి. ఇక ఆ తర్వాత మరో మెయిన్ విలన్ క్యారక్టర్ చేస్తున్న ప్రియాంక చోప్రా ఫస్ట్ లుక్ విడుదల అవ్వొచ్చు. చివర్లో నవంబర్ 15 న గ్రాండ్ గా మహేష్ ఫస్ట్ లుక్ ని విడుదల చేస్తారు. అంతా బాగానే ఉంది కానీ, ఈ సినిమాలో అసలు హీరోయిన్ లేదా అనే సందేహాలు అభిమానుల్లో వ్యక్తం అవుతున్నాయి. దీని గురించి కూడా ఈ వారం లోనే క్లారిటీ వచ్చే అవకాశాలు ఉన్నాయి.
Amidst the climax shoot on set with all three, there’s a lot more prep happening around the #GlobeTrotter event, as we’re trying something far beyond what we’ve done before…
Can’t wait for you all to experience it on Nov 15th. Leading up to it, we’re filling your week with a…
— rajamouli ss (@ssrajamouli) November 7, 2025
