Mad For Each Other show eliminations: ఈనెల 15 వ తేదిన స్టార్ మా ఛానల్ లో ప్రారంభమైన బిగ్గెస్ట్ రియాలిటీ షో ‘మ్యాడ్ ఫర్ ఈచ్ అథర్'(Mad For Each Other) కి ఆడియన్స్ కి మంచి రెస్పాన్స్ వస్తోంది. పెళ్ళైన పది జంటలను లోపలకు పంపి, వాళ్ళ మధ్య జరిగే సంఘటనలను ఆధారంగా తీసుకొని ఈ షో ని రన్ చేస్తున్నారు. నిన్నటి ఎపిసోడ్ లో జరిగిన ‘ట్రూత్ ఆర్ డేర్’ టాస్కు చాలా ఆసక్తిని కలిగించింది. జంటల మధ్య విబేధాలకు దారి తీసేలా చేసింది ఈ టాస్క్. నేడు జరగబోయే ఎపిసోడ్ లో మొట్టమొదటి ఫిజికల్ టాస్క్ మొదలు కాబోతుంది. అందుకు సంబంధించిన ప్రోమోలను కూడా మీరు కాసేపటి క్రితమే చూసి ఉంటారు. బిగ్ బాస్ షో లో జరిగే టాస్కులకంటే ఇక్కడ జరిగే టాస్కులే కఠినంగా ఉన్నాయి. ఇదంతా పక్కన పెడితే , ఇప్పటికే ఈ షో నుండి నాలుగు కంటెస్టెంట్స్ ఎలిమినేట్ అయ్యారట.
మొదటి వారం ఎలాంటి ఎలిమినేషన్ ఉండే అవకాశం లేదట. కానీ రెండవ వారం నుండి వరుసగా ఎలిమినేషన్స్ ఉంటాయట. ఈ ఎలిమినేషన్స్ జోడీలు సాధించిన లీడర్ బోర్డు మార్కులను బట్టి ఉంటుందని సమాచారం. ఈ షో నుండి ఎలిమినేట్ అయినా మొదటి జంట హరిత – హరీష్. బిగ్ బాస్ సీజన్ 9 లో ఒక కంటెస్టెంట్ గా అడుగుపెట్టిన హరీష్, కేవలం నాలుగు వారాల్లోనే ఎలిమినేట్ అయిన సంగతి తెలిసిందే. ఇది ఆయనకు వచ్చిన రెండవ అద్భుతమైన అవకాశం. గడిచిన మూడు ఎపిసోడ్స్ చూస్తుంటే , కెమెరాల కోసం ఈయన చేస్తున్న ఓవర్ యాక్షన్ ని చూసి, ఇతను ఎలిమినేట్ అవ్వడమే కరెక్ట్ అని నెటిజెన్స్ అంటున్నారు. ఇక వీళ్ళ తర్వాత ఎలిమినేట్ అయిన రెండా జంట మహేష్ బాబు – సాండ్రా . గడిచిన మూడు ఎపిసోడ్స్ చూస్తుంటే మహేష్ బాబు చాలా అమాయకుడిగా, సాండ్రా గయ్యాలి గా అనిపించారు.
ఈ జంట ఎలిమినేట్ అవ్వడానికి కచ్చితంగా సాండ్రా నే కారణం అయ్యుంటుందని అంటున్నారు విశ్లేషకులు. ఇక వీళ్ళ తర్వాత ఎలిమినేట్ అయిన మూడవ జంట సంధ్య , బ్రిట్టూ. గడిచిన మూడు ఎపిసోడ్స్ చూస్తుంటే వీళ్లకు అసలు తెలుగు రాదు, టాస్కులు అర్థం కావడం లేదని తెలుస్తోంది . కాబట్టి వీళ్ళు ఎలిమినేట్ అవ్వడంతో ఎలాంటి ఆశ్చర్యం లేదు. ఇక నాల్గవ ఎలిమినేషన్ మాత్రం ఎవ్వరూ ఊహించనిది. వాళ్లెవరో కాదు ప్రియాంక జైన్ – శివ. వీరిలో శివ కి కాలికి గాయం అవ్వడం వాళ్ళ స్వచ్ఛందంగా వీళ్ళే గేమ్ నుండి తప్పుకున్నట్టు తెలుస్తోంది. ఇది కాసేపు పక్కన పెడితే, మహేష్ బాబు – సాండ్రా జంట మరోసారి వైల్డ్ కార్డు ద్వారా హౌస్ లోకి వచ్చినట్టు . వీళ్ళతో పాటు ఒక యోగా జంట కూడా వైల్డ్ కార్డు ఎంట్రీ ఇచ్చారట.
