Mad For Each Other Harish Controversy: ఈమధ్య కాలంలోనే సార్ మా ఛానల్ లో మొదలైన బిగ్గెస్ట్ రియాలిటీ షో ‘మ్యాడ్ ఫర్ ఈచ్ అథర్’ కి ఆడియన్స్ నుండి అద్భుతమైన రెస్పాన్స్ రావడంతో మంచి టీఆర్ఫీ రేటింగ్స్ లో ఈ లవ్ రియాలిటీ షో ముందుకు దూసుకుపోతోంది. మొదట్లో కాస్త బోరింగ్ గా అనిపించినప్పటికీ, ఆ తర్వాత మాత్రం గొడవలతో , ఆడియన్స్ కి కావాల్సినంత ఎమోషన్స్ ని అందిస్తూ ఈ రియాలిటీ షో ముందుకు వెళ్తోంది. ముఖ్యంగా నిన్నటి ఎపిసోడ్ లో నటరాజ్ మాస్టర్ మరియు మాస్క్ మ్యాన్ హరీష్ మధ్య పెద్ద గొడవే జరిగింది. హరీష్ గురించి అందరికీ తెలిసిందే. ‘అగ్ని పరీక్ష’ షో సమయం లో కానీ, ‘బిగ్ బాస్ 9’ లో కానీ ఆయన తోటి వ్యక్తులతో ప్రవర్తించే తీరు చాలా విచిత్రంగా ఉండేది. అందుకే నాల్గవ వారం లోనే ఎలిమినేట్ అయ్యాడు.
ఈయన ఏది చేసినా కంటెంట్ కోసమే చేసినట్టుగా ఆయన చుట్టూ ఉన్నవాళ్లకు అనిపిస్తుంది కాబట్టి, ఈయన ఎక్కడుంటే అక్కడ అనవసరమైన గొడవలు చోటు చేసుకుంటూ ఉంటాయి. ‘మ్యాడ్ ఫర్ ఈచ్ అథర్’ షో లో కూడా ఇంతే. లాంచింగ్ ఎపిసోడ్ నుండే కంటెంట్ ఇవ్వడం మొదలు పెట్టేసాడు. బయట అందరూ కూర్చొని ఉన్న సమయం లో బాగా చలి వేస్తూ ఉండేదట, ఆ సమయం లో హరీష్ తాను ధరించిన కోటుని తన భార్య కి ఇచ్చాడట, అలా అందరూ చెయ్యలేదని వాళ్ళని విమర్శిస్తూ, నా గొప్పతనం చూడండి అంటూ జనాలకు చూపించుకునేలా ఆయన ప్రవర్తన ఉందని చూసే ప్రతీ ఒక్కరికి అనిపించింది. ఇదే విషయాన్నీ షో సమయంలో నటరాజ్ మాస్టర్ కి కూడా అనిపించింది. హరీష్ కెమెరా కోసం డ్రామాలు ఆడుతున్నాడని , అతను మారు వేషం లో భిక్షాటనకు వచ్చిన రావణాసురుడు అని తన భార్య నీతూ తో నటరాజ్ మాస్టర్ మాట్లాడడం పెద్ద దుమారమే రేపింది.
ఈ విషయాన్ని వీకెండ్ ఎపిసోడ్ లో జడ్జీలు ప్రస్తావించడం తో, హరీష్ అప్పటి నుండి నటరాజ్ మాస్టర్ పై మండిపడుతూ వచ్చాడు. నిన్న నామినేషన్స్ సమయం లో కూడా వీళ్లిద్దరు కొట్టుకునేంత పని చేశారు. ఈ ప్రక్రియ మొదలు కాకముందు, కొత్తగా జంటలు ఉన్న ర్యాంకింగ్ ప్రకారం గదులను సర్దుబాటు చెయ్యడం , ఆ తర్వాత ఫుడ్ షేర్ చేసుకోవడం వంటి వాటిపై నటరాజ్ మాస్టర్ మాట్లాడుతూ ఉండగా, హరీష్ ‘సోది వైన్ ఓపిక లేదు’ అని లేచి వెళ్ళిపోతాడు. ఆ తర్వాత స్వయంగా నటరాజ్ మాస్టర్ వెళ్లి హరీష్ తో మాట్లాడే ప్రయత్న చేయగా, హరీష్ స్పందించకుండా వెళ్ళిపోతూ ఉంటాడు. అతని ఓవర్ యాక్షన్ చూస్తే చిన్న పిల్లాడు ఈయన కంటే బెటర్ కదా, ఎందుకు ఇలా ప్రవర్తిస్తున్నాడు అంటూ నెటిజెన్స్ కామెంట్స్ చేస్తున్నారు. అంతే కాదు , ఈ వారం ఈ షో నుండి ఎలిమినేట్ అవ్వబోయే మొదటి జంట హరిత – హరీష్ నే అట.
View this post on Instagram
