Maa Inti Bangaram 6 Days Collections: లేడీ ఓరియెంటెడ్ సినిమాలు మన టాలీవుడ్ లో దుమ్ము లేపింది చివరిసారిగా ఎప్పుడో గుర్తుందా?, అప్పుడెప్పుడో బాహుబలి సిరీస్ తర్వాత అనుష్క చేసిన ‘భాగమతి’ అనే చిత్రం సూపర్ హిట్ అయ్యిందంతే. ఆ తర్వాత ఎంతో మంది స్టార్ హీరోయిన్లు ఎన్నో లేడీ ఓరియెంటెడ్ చిత్రాలు చేశారు కానీ ఒక్కటి కూడా సక్సెస్ కాలేదు. ఇప్పుడు సమంత ‘మా ఇంటి బంగారం’ చిత్రం తో మరోసారి లేడీ ఓరియెంటెడ్ సినిమాలకు పూర్వ వైభవం తీసుకొచ్చింది. ఆమె ప్రధాన పాత్ర పోషించిన ఈ చిత్రం బాక్స్ ఆఫీస్ వద్ద వండర్స్ ని నెలకొల్పుతూ ముందుకు దూసుకెళ్తోంది. వర్కింగ్ డేస్ లో కూడా ఏ మాత్రం జోరు తగ్గడం లేదు , ఫ్యామిలీ ఆడియన్స్ తో థియేటర్స్ కళకళలాడుతున్నాయి. బాక్స్ ఆఫీస్ వద్ద 6 రోజుల థియేట్రికల్ రన్ ని పూర్తి చేసుకున్న ఈ చిత్రం , ప్రాంతాల వారీగా ఎంత గ్రాస్ వసూళ్లను రాబట్టిందో ఒకసారి చూద్దాం.
ట్రేడ్ విశ్లేషకులు అందిస్తున్న లెక్కల ప్రకారం ఈ చిత్రానికి 6 వ రోజున తెలుగు రాష్ట్రాల నుండి 1 కోటి 8 లక్షల రూపాయిల షేర్ వసూళ్లు వచ్చాయి. ఓవరాల్ గా తెలుగు రాష్ట్రాల్లో ఇప్పటి వరకు ఈ చిత్రానికి 14 కోట్ల కోట్ల రూపాయిల షేర్ వసూళ్లు , 27 కోట్ల 15 లక్షల రూపాయిల గ్రాస్ వసూళ్లు వచ్చాయి. ఒక్క నైజాం ప్రాంతం నుండే ఈ చిత్రానికి 8 కోట్ల రూపాయిల షేర్ వసూళ్లు రాగా, ఆంధ్ర + సీడెడ్ ప్రాంతం నుండి 6 కోట్ల రూపాయిల షేర్ వసూళ్లు వచ్చాయి. అదే విధంగా తమిళనాడు నుండి 1 కోటి 20 లక్షల రూపాయిల షేర్ వసూళ్లు రాగా , కర్ణాటక + రెస్ట్ ఆఫ్ ఇండియా నుండి 3 కోట్ల 20 లక్షల రూపాయిల షేర్ వసూళ్లను రాబట్టింది. ఇక ఓవర్సీస్ నుండి అయితే ఏకంగా 7 కోట్ల 90 లక్షలు రాబట్టింది.
ఈ వీకెండ్ తో ఈ చిత్రం నైజాం మరియు ఓవర్సీస్ మార్కెట్స్ లో చెరో 10 కోట్ల షేర్ మార్కుని కచ్చితంగా దాటుతుందని అంచనా వేస్తున్నారు ట్రేడ్ విశ్లేషకులు. ఓవరాల్ గా ఈ చిత్రానికి జరిగిన ప్రీ రిలీజ్ థియేట్రికల్ బిజినెస్ కేవలం 12 కోట్ల రూపాయిల మాత్రమే. ఫుల్ రన్ లో కేవలం నైజాం , ఓవర్సీస్ మార్కెట్స్ నుండే చెరో 12 కోట్ల షేర్ మార్కుని అందుకునేలా ఉంది. బిజినెస్ పరంగా ఈ ఏడాది బయ్యర్స్ కి లాభాల పంట కురిపించింది ఈ చిత్రమే. ఇప్పటి వరకు 14 కోట్ల 32 లక్షల రూపాయిల లాభాలు వచ్చాయి , ఫుల్ రన్ లో ఇంకెంత లాభాలు వస్తాయో చూడాలి.
