LIK movie overseas rights issue: వరుసగా మూడు బ్లాక్ బస్టర్ హిట్ సినిమాలతో యూత్ ఆడియన్స్ లో తనకంటూ ఒక ప్రత్యేకమైన బ్రాండ్ ఇమేజ్ ని ఏర్పాటు చేసుకున్న ప్రదీప్ రంగనాథన్(Pradeep Ranganathan) , ఈ నెల 10 వ తారీఖున ‘LIK’ అనే చిత్రం తో మన ముందుకు రాబోతున్నాడు. ఈ సినిమా పై ఆడియన్స్ లో ప్రదీప్ గత చిత్రాలకు ఉన్నంత క్రేజ్ లేదు. అందుకు కారణం , ఈ చిత్రం బాగా ఆలస్యం అవ్వడం వల్లే. ప్రదీప్ రంగనాథన్ మొదటి చిత్రం ‘లవ్ టుడే’. ఈ సినిమా పూర్తి అయిన వెంటనే ఆయన కమిట్ అయిన చిత్రం ఇదే. కానీ గ్రాఫిక్స్ వర్క్ చాలా ఉండడం తో ఆలస్యం అవుతూ వచ్చింది. ఈ గ్యాప్ లో ప్రదీప్ నుండి రెండు సినిమాలు విడుదల అయ్యాయి. ఇంత ఆలస్యం అయితే బజ్ క్రియేట్ అవ్వడం కష్టం.
పవన్ కళ్యాణ్ లాంటి బిగ్గెస్ట్ సూపర్ స్టార్ సినిమాలే ఆలస్యం అవ్వడం వల్ల , మార్కెట్ లో బజ్ ఏర్పడని కాలం ఇది, ఇక ప్రదీప్ రంగనాథన్ లాంటి యంగ్ హీరోల సినిమాలకు బజ్ ఎలా క్రియేట్ అవుతుంది చెప్పండి. అడ్వాన్స్ బుకింగ్స్ మొదలు పెట్టి రెండు రోజులైంది . కానీ ఇప్పటి వరకు బుక్ మై షో యాప్ లో ట్రెండింగ్ లోకి రాలేదు అంటేనే అర్థం చేసుకోవచ్చు , అడ్వాన్స్ బుకింగ్స్ ఎంత బలహీనంగా ఉన్నాయి అనేది. ప్రదీప్ గత చిత్రానికి మన టాలీవుడ్ లో మీడియం రేంజ్ హీరోకి ఎలాంటి బుకింగ్స్ జరిగేవో, ఆ రేంజ్ బుకింగ్స్ జరిగాయి. అడ్వాన్స్ బుకింగ్స్ ట్రెండ్ ఎలా ఉన్నప్పటికీ, పాజిటివ్ మౌత్ టాక్ వస్తే మాత్రం పికప్ అయ్యే అవకాశాలు ఉన్నాయి. ఇదంతా పక్కన పెడితే ఈ సినిమా నార్త్ అమెరికా ఓవర్సీస్ రైట్స్ చివరి నిమిషం లో చేతులు మారడం హాట్ టాపిక్ గా మారింది.
ముందుగా ఈ సినిమా థియేట్రికల్ రైట్స్ ని నార్త్ అమెరికా లో ప్రత్యంగిరా మూవీస్ సంస్థ కొనుగోలు చేసింది. చిన్న సినిమాల దగ్గర నుండి, పెద్ద సినిమాల వరకు నార్త్ అమెరికా లో ది బెస్ట్ రిలీజ్ దొరకాలంటే ఈ సంస్థ వల్లే సాధ్యం అవుతుంది. అలాంటి సంస్థ ఈ చిత్రం నుండి తప్పుకోవడం మేకర్స్ కి గట్టి ఎదురు దెబ్బ అనొచ్చు. మరి ఇప్పుడు ఈ రైట్స్ ఎవరి చేతుల్లోకి వెళ్ళింది అనేది ప్రస్తుతానికి సస్పెన్స్. అడ్వాన్స్ బుకింగ్స్ కూడా నార్త్ అమెరికా లో మొదలు అవ్వలేదు. మరోపక్క ఈ చిత్రం తో పాటు విడుదల అవుతున్న ‘డెకాయిట్’ చిత్రానికి అడ్వాన్స్ బుకింగ్స్ మొదలై భారీ గ్రాస్ కూడా నమోదు అయ్యింది.
