Liger: డైనమిక్ డైరెక్టర్ పూరీ జగన్నాథ్ దర్శకత్వంలో విజయ్ దేవరకొండ హీరోగా తెరకెక్కుతోన్న సినిమా లైగర్. పాన్ ఇండియా స్థాయిలో తెరకెక్కిస్తోన్న ఈ సినిమాపై ఇప్పటికే భారీ అంచనాలు నెలకొన్నాయి. విజయ్ కెరీర్లో తొలి పాన్ ఇండియా సినిమా ఇదే కావడం విశేషం. మరోవైపు, ఇస్మార్ట్ శంకర్ వంటి సూపర్ హిట్ కొట్టిన పూరి జగన్నాథ్ ఈ సినిమాను ప్రెస్టేజ్గా తీసుకున్నట్లు తెలుస్తోంది. లైగర్తో ఎలాగైనా బాలీవుడ్లో జెండా పాతేయాలని విజయ్తో పాటు, పూరి కూడా ఎంతో ఆసక్తిగా ఎదురూచూస్తున్నారు. అందుకు తగ్గట్లుగానే సినిమాను తెరకెక్కిస్తున్నారు పూరి. ఈ క్రమంలోనే ప్రపంచ ప్రఖ్యాత బాక్సింగ్ ఛాంపియన్ మైక్ టైసన్ను ఈ సినిమా కోసం బరిలోకి దించారు.
Liger
Also Read: బాలయ్యకు విలన్ గా అంటే భయమేసింది అంటున్న శ్రీకాంత్…
కాగా, ఇటీవలే షూటింగ్ నిమిత్తం యూఎస్ వెళ్లిన లైగర్ టీమ్.. అక్కడ షెడ్యూల్ ముగించుకున్నట్లు తెలుస్తోంది. ఇందుకు సంబంధించి హీరోయిన్ అనన్య తన ఇన్స్టాగ్రామ్లో తెలిపింది.
ఈనెల మొదట్లో టీమ్ లాస్వెగాస్ వెళ్లగా.. మైక్టైసన్కు సంబంధించిన ఫైట్స్, మాంటేజ్ సాంగ్స్తో పాటు మరిన్ని కీలక సన్నివేశాలను చిత్రీకరించినట్లు సమాచారం. ఈ క్రమంలోనే త్వరలోనే విజయ్ అభిమానులను ఉత్సాహపరిచేలా వరుస అప్డేట్స్ రానున్నట్లు తెలుస్తోంది. అందుకు తగ్గట్లుగానే మేకర్స్ ప్లాన్ చేస్తున్నట్లు సమాచారం. సెప్టెంబరులోనే ఈ సినిమా విడుదల కావాల్సింది.. కానీ, కరోనా కారణంగా వాయిదా వేస్తూ వచ్చారు.. అనన్య పాండే ఈ సినిమాతో తెలుగు సినిమాల్లోకి అడుగుపెట్టనుంది. కాగా, చార్మి, కరణ్ జోహార్, పూరి సంయుక్తంగా ఈ సినిమాను నిర్మిస్తున్న సంగతి తెలిసిందే.
Also Read: శివ శంకర్ మాస్ట‌ర్ కు అండగా నేను కూడా అంటున్న హీరో ధ‌నుష్…
