ద‌ర్శ‌క ధీరుడు రాజ‌మౌళి, యంగ్ టైగ‌ర్ ఎన్టీఆర్, మెగాప‌వ‌ర్ స్టార్ రామ్ చరణ్ కాంబోలో తెర‌కెక్కుతున్న అత్యంత ప్ర‌తిష్టాత్మ‌క చిత్రం రణం రుధిరం రౌద్రం(ఆర్ఆర్ఆర్). దేశ‌వ్యాప్తంగా సినీ అభిమానులు ఈ చిత్రం కోసం వెయిట్ చేస్తున్నారు. డీవీవీ దాన‌య్య ఈ భారీ బ‌డ్జెట్ చిత్రాన్ని తెర‌కెక్కిస్తున్నారు.
అయితే.. జ‌క్క‌న్న ఒక సినిమా తెర‌కెక్కిస్తున్నాడంటే దానికి ఎన్నో జాగ్రత్తలు తీసుకుంటాడు. త‌న సినిమాల‌కు సంబంధించిన ఏ చిన్న విష‌యం కూడా ముంద‌స్తుగా లీక్ కాకుండా జాగ్ర‌త్త ప‌డ‌తాడు. ఇందుకోసం సెట్లోకి వ‌చ్చేట‌ప్పుడే అంద‌రినీ ఫోన్లు కూడా ప‌క్క‌న పెట్టాల‌ని సూచిస్తాడు. ఇందుకోసం ఓ విభాగం కూడా ప‌నిచేస్తూ ఉంటుంది.
Also Read: ప్చ్.. లోలోపలే కుంగిపోతున్న బాలయ్య !
ఆ విధంగా త‌న సినిమా విశేషాలు లీక్ కాకుండా త‌గిన భ‌ద్ర‌తాచ‌ర్య‌లు చేప‌డ‌తాడు రాజ‌మౌళి. కానీ.. ఇప్పుడు ఆర్ ఆర్ ఆర్ సెట్స్ నుంచి ప్ర‌ధాన‌మైన స‌న్నివేశాల‌కు సంబంధించిన చిత్రాలు లీక్ కావ‌డం సంచ‌ల‌నం సృష్టిస్తోంది. ఎన్టీఆర్ తోపాటు రామ్ చరణ్ ఫొటోలు కూడా లీక‌య్యాయి. ఇంకా.. ఎన్టీఆర్-ఒలీవియా పిక్ కూడా సోష‌ల్ మీడియాలో చ‌క్క‌ర్లు కొడుతోంది.
Also Read: త్రివిక్రమ్ లో మార్పు.. ఎన్టీఆర్ కథ కూడా మారింది !
ముందుగా ఎన్టీఆర్ వీరోచిత స‌న్నివేశానికి సంబంధించిన పిక్ మంటలు పుట్టిస్తోంది. గోండు వీరుడు కొమ‌రం భీం పాత్ర‌లో జూనియ‌ర్ క‌నిపించ‌నున్న విష‌యం తెలిసిందే. ఈ లీకైన ఫొటోలో.. సంకెళ్లు తెంచుకుంటున్న వీరుడిగా క‌నిపిస్తున్నాడు ఎన్టీఆర్. ఇక, రామ్ చరణ్ అల్లూరి పాత్ర‌లో న‌టిస్తున్న విష‌యం తెలిసిందే. కానీ.. లీక్ అయిన చిత్రంలో మాత్రం.. బ్రిటీష్ ఆఫీస‌ర్ గా క‌నిపిస్తుండ‌డం ఆశ్చ‌ర్యానికి గురిచేస్తోంది. ఈ రెండు ఫొటోల‌తోపాటు ఎన్టీఆర్-ఒలీవియా క‌లిసి ఉన్న చిత్రం కూడా లీకైంది.
మరిన్ని సినిమా వార్తల కోసం టాలీవుడ్ న్యూస్
రాజ‌మౌళి ప్ర‌తిష్టాత్మ‌కంగా తెర‌కెక్కిస్తున్న ఈ పీరియాడిక‌ల్ ఫిక్ష‌న్‌ డ్రామాకు సంబంధించిన చిత్రాలు లీక్ కావ‌డం యూనిట్ ను క‌ల‌వ‌రానికి గురిచేస్తోంది. ఎన్ని జాగ్రత్తలు తీసుకున్నా.. ఫొటోలు ఎలా లీక‌వుతున్నాయో అర్థం కాక.. చిత్ర బృందం త‌ల ప‌ట్టుకుంటోంది. మ‌రి, ఇక‌మీద‌ట జ‌క్క‌న్న ఎలాంటి జాగ్రత్తలు తీసుకుంటాడో చూడాలి. ఈ మూవీని వ‌చ్చే ద‌స‌రా సంద‌ర్భంగా అక్టోబ‌రు 13న రిలీజ్ చేసేందుకు స‌న్నాహాలు చేస్తున్న విష‌యం తెలిసిందే.