KA OTT(1)
KA OTT: 2024 దీపావళి బరిలో నిలిచిన అమరన్, లక్కీ భాస్కర్, క చిత్రాలు పాజిటివ్ టాక్ తెచ్చకున్నాయి. దాంతో మూడు చిత్రాల మధ్య తీవ్ర పోటీ నెలకొంది. ఇతర భాషల హీరోలు అయినప్పటికీ శివ కార్తికేయన్, దుల్కర్ లకు కిరణ్ అబ్బవరం కంటే ఎక్కువ ఫేమ్ ఉంది. వారిద్దరిని తట్టుకొని కిరణ్ అబ్బవరం నిలబడ్డాడు. క మూవీలో కంటెంట్ ఉన్న నేపథ్యంలో ప్రేక్షకులు ఈ చిత్రాన్ని కూడా ఆదరించారు. కేవలం రూ. 10 కోట్ల బడ్జెట్ లోపు తీసిన క మూవీ ఏకంగా రూ. 50 కోట్లకు పైగా వసూళ్లు రాబట్టింది.
క మూవీ ప్రీ రిలీజ్ ఈవెంట్లో కిరణ్ అబ్బవరం ట్రోలర్స్ కి సవాల్ విసిరాడు. క మూవీ ఆడకపోతే… ఇకపై సినిమాలు చేయనని భారీ ఛాలెంజ్ చేశాడు. తన నమ్మకాన్ని నిలబెడుతూ క మూవీ బ్లాక్ బస్టర్ కొట్టింది. ఇంకా క చిత్రానికి సరిపడా థియేటర్స్ కేటాయించలేదనే టాక్ ఉంది. బడా నిర్మాతలు విడుదల చేసి ఉంటే క మూవీ వసూళ్లు మరో రేంజ్ లో ఉండేవి. అక్టోబర్ 31న విడుదలైన క మూవీ బాక్సాఫీస్ వద్ద నాలుగు వారాలు పూర్తి చేసుకుంది. థియేట్రికల్ రన్ కూడా ముగిసింది.
దాంతో.. ఓటీటీ విడుదలకు సిద్ధం చేశారు. క మూవీ డిజిటల్ రైట్స్ ఈటీవీ విన్ సొంతం చేసుకుంది. నవంబర్ 28న అందుబాటులోకి తెస్తున్నట్లు అధికారిక ప్రకటన చేశారు. అంటే 27 అర్థరాత్రి నుండే క మూవీ స్ట్రీమ్ అవుతుంది. క చిత్రానికి సందీప్, సుజిత్ దర్శకులు. కిరణ్ అబ్బవరం కి జంటగా నయన్ సారిక నటించింది. ఒక మారుమూల గ్రామంలో జరిగే నేరాలను ఆ ఊరికి పోస్ట్ మ్యాన్ గా ఉన్న హీరో ఎలా చేధించాడు అనేది మూవీ. క్లైమాక్స్ లో వచ్చే ట్విస్ట్ సినిమాకు ప్రధాన బలం. అది క చిత్రం విజయంలో కీలకం అయ్యింది.
