Lata Mangeshkar : భారతీయ ఘాన కోకిల ప్రముఖ ప్లే బ్యాక్ సింగర్ లతా మంగేష్కర్ (92 ) కరోనా బారిన పడిన సంగతి తెలిసిందే. ఆమెకి కరోనా పాజిటివ్ అని తెలిసిన దగ్గర నుంచీ ఆమె అభిమానులు, ప్రేక్షకులు ఆందోళన పడుతున్నారు. కారణం.. వయస్సు పైబడిన వారి పై కరోనా ఎక్కువ ప్రభావం చూపుతుంతి. అందుకే, ఆమె ఫ్యాన్స్ ఆందోళన చెందుతూ ఆమె హెల్త్ అప్ డేట్ కోసం ఆసక్తిగా ఎదురుచూస్తున్నారు.
Lata Mangeshkar
కాగా లతా మంగేష్కర్ ఆరోగ్య పరిస్థితి పై ఆమె కుటుంబ సభ్యులు లేటెస్ట్ అప్డేట్ ఇచ్చారు. ఆమె ఆరోగ్యం ప్రస్తుతం నిలకడగా ఉందని, అభిమానులు, స్నేహితులు ఎలాంటి ఆందోళన చెందాల్సిన అవసరం లేదు అని, లతా గారి ఆరోగ్యం పూర్తి స్థాయిలో మెరుగుపడుతుంది అని లతా మంగేష్కర్ మేనకోడలు రచనా తెలియజేశారు. లతా మంగేష్కర్ కి కోవిడ్ లక్షణాలు స్వల్పంగానే ఉన్నాయట.
Also Read: ప్చ్.. బాలయ్యకి మళ్ళీ పైత్యం.. ‘పాకిస్తాన్‌ లో అఖండ అట !
కాకపోతే, ఆమె వయసును దృష్టిలో ఉంచుకొని ముందు జాగ్రత్తగా ఆమెను ఐసీయూలో ఉంచినట్లు, లతా మంగేష్కర్ కుటుంబ సభ్యులు చెప్పుకొచ్చారు. అన్నట్టు లతా మంగేష్కర్ మరో 10-12 రోజుల పాటు ఐసీయూలోనే ఉంటారని బ్రీచ్ క్యాండీ ఆస్పత్రి వైద్యులు కూడా అధికారికంగా తెలిపారు. మొత్తానికి లతా మంగేష్కర్ ఆరోగ్య పరిస్థితి బాగుంది అని తెలిసి ఆమె అభిమానులు చాలా సంతోషంగా ఉన్నారు.
కాగా కరోనా మైల్డ్ లక్షణాలున్న వారు ఎలాంటి ఇబ్బంది పడకుండానే కోలుకుంటున్నారు. త్రిష, సత్యరాజ్, థమన్ కోవిడ్ నుంచి చాలా వేగంగా కోలుకున్నారు.
Also Read: దొంగలతో జతకట్టినా కేసీఆర్ కు ప్రయోజనముండదు?
