KGF 2 Collections: ‘కేజీఎఫ్2’ దండయాత్ర.. ఆర్ఆర్ఆర్ రికార్డు బ్రేక్ అయ్యిందా? తొలిరోజు ఎంత వసూలంటే?

KGF 2 Collections: ఒక కన్నడ సినిమా దేశాన్ని షేక్ చేసేసింది. కేజీఎఫ్ 1 తో మొదలైన దాని ప్రస్థానం ఇప్పుడు ‘కేజీఎఫ్2’తో పతాకస్థాయికి చేరింది. సంచలన దర్శకుడు ప్రశాంత్ నీల్ దర్శకత్వంలో రాకింగ్ స్టార్ యష్ హీరోగా వచ్చిన కేజీఎఫ్ చాప్టర్ 2 ఇప్పుడు బాక్సాఫీస్ వద్ద దండయాత్ర చేస్తోంది. భారీ అంచనాలతో వచ్చిన ఈ చిత్రం అనూహ్యమైన స్పందనను తెచ్చుకుంది. పాజిటివ్ టాక్ తెచ్చుకొని దూసుకుపోతోంది.

తొలి రోజు ప్రపంచవ్యాప్తంగా అన్ని భాషల్లో ఫుల్ ఆక్యూపెన్సీ ఉండడంతో భారీ కలెక్షన్లు వచ్చినట్టు ట్రేడ్ వర్గాలు చెబుతున్నారు. కేజీఎఫ్2 ప్రపంచ వ్యాప్తంగా తొలిరోజు ఏకంగా 155-160 కోట్ల మధ్య గ్రాస్ వసూళ్లను సాధించినట్టు సమాచారం.

Also Read: Samantha on Akkineni Family: అక్కినేని ఫ్యామిలీ పై యుద్ధం ప్రకటించిన సమంత.. షాక్ లో ఫాన్స్

ప్రపంచవ్యాప్తంగా కేజీఎఫ్2 భారీ ప్రీరిలీజ్ బిజినెస్ చేసింది. కర్ణాటకలో 100 కోట్ల మేర బిజినెస్ చేస్తే.. తెలుగులో 78 కోట్లు, తమిళంలో 27 కోట్లు, కేరళలో 10 కోట్లు చేసింది. ఇక హిందీ వెర్షన్ లో 100 కోట్ల బిజినెస్ చేసింది. ఓవర్సీస్ లో 30 కోట్ల బిజినెస్ జరిగింది. మొత్తం మీద ఈ సినిమా సుమారు 350 కోట్ల బిజినెస్ క్లోజ్ చేసింది. బ్రేక్ ఈవెన్ సాధించాలంటే 350 కోట్లకు పైగా కలెక్షన్లు సాధించాల్సి ఉంది.

తెలుగు రాష్ట్రాల్లోనే తొలిరోజు ముగిసిన తర్వాత కలెక్షన్లు చూస్తే 35 కోట్లకు పైగా వసూలు చేసినట్టు ట్రేడ్ వర్గాలు చెబుతున్నాయి. ఇక హిందీ వెర్షన్ తొలిరోజు 55 కోట్ల వరకూ గ్రాస్ కలెక్షన్లు రాబట్టినట్టు సమాచారం. కన్నడలో ఈ సినిమా 30 కోట్ల వరకూ గ్రాస్ వసూళ్లను సాధించింది. తమిళనాడులో 7 కోట్లు, మలయాళంలో 6 కోట్లు కొల్లగొట్టింది. ఇక ఓవర్సీస్ లో తొలిరోజు ప్రీమియర్లతో కలిపి 3.5 మిలియన్ నుంచి 4 మిలియన్ డాలర్లు వసూలు రాబట్టినట్టు సమాచారం.

కేజీఎఫ్2 ను ప్రపంచవ్యాప్తంగా దాదాపు 11000 స్క్రీన్లలో రిలీజ్ చేశారు. హిందీలోనే 1100 స్క్రీన్లలో వేశారు. దీన్ని బట్టి కన్నడ సినిమా ఏ రేంజ్ కు ఎదిగిందో అర్థం చేసుకోవచ్చు.

ఇక ఇటీవల విడుదలైన ఆర్ఆర్ఆర్ తొలిరోజు కలెక్షన్లు 223 కోట్లు గ్రాస్ సాధించింది. అయితే తాజాగా విడుదలైన ‘కేజీఎఫ్2’ దాదాపు 150 కోట్లకు పైగానే సాధించింది.కానీ ఆర్ఆర్ఆర్ మొదటి రోజు కలెక్షన్లను అధిగమించలేకపోయింది. ఆర్ఆర్ఆర్ రికార్డును బద్దలు కొట్టలేకపోయింది.

Also Read:Comedian Ali Daughter: కూతురు చేసిన పనికి కన్నీళ్లు పెట్టుకున్న కమెడియన్ అలీ