Karthik Gattamneni
Karthik Gattamneni: తెలుగు సినిమా ఇండస్ట్రీలో హీరోలకు ఏ రేంజ్ లో క్రేజ్ ఉందో.. డైరెక్టర్లకు కూడా అంతే క్రేజ్ ఉంటుంది. ఒకప్పుడు హీరోహీరోయిన్ లకు మాత్రమే ఫ్యాన్స్ ఉండేవారు. కానీ ప్రస్తుతం డైరెక్టర్లకు కూడా పాన్ ఇండియా రేంజ్ లో అభిమానులు ఉంటున్నారు. ఈ విధంగా తెలుగు ఇండస్ట్రీలో అభిమానులను సంపాదించిన డైరెక్టర్లు ఎందరో ఉన్నారు. ప్రస్తుతం ఈగల్ సినిమాతో కార్తీక్ ఘట్టమనేని కూడా తన కంటూ ప్రత్యేకమైన గుర్తింపును ఏర్పరుచుకునే పనిలో పడ్డారు. ఈ సినిమాలో రవితేజ నటిస్తున్న విషయం తెలిసిందే.
ఈగల్ సినిమా మీదనే పూర్తి ఆశలు పెట్టుకున్నారు కార్తీక్. ఎందుకంటే ఈయన ఇంతకు ముందు తెరకెక్కించిన సూర్య వర్సెస్ సూర్య సినిమా ప్రేక్షకులను ఆకట్టుకోవడంలో విఫలం అయింది. దీంతో ఈగల్ హిట్ కోసం ఎదురుచూస్తున్నారు. ఈ సినిమా సక్సెస్ అయితేనే మరొక సినిమా ఛాన్స్ వస్తుంది. లేదంటే ఇతర హీరోలు ఈయనకు ఆఫర్ ఇవ్వడానికి భయపడే అవకాశమే ఎక్కువ. ఇదే జరిగితే డిఓపిగా కంటిన్యూ అవ్వాల్సిందే కార్తీక్. అందుకే ఈ సినిమాను ప్రతిష్టాత్మకంగా తెరకెక్కించారట డైరెక్టర్. అయితే ఈ సినిమాలో ఉన్న ప్లస్ పాయింట్స్ వల్ల కచ్చితంగా సినిమా సక్సెస్ అవుతుందని భావిస్తున్నారు.
ఈ సినిమాలో రవితేజ నటిస్తున్నారు కాబట్టి హిట్ అయ్యే అవకాశాలు ఎక్కువ. మరోవైపు మాస్ మహారాజాకు కూడా ఈ మధ్య కొన్ని ఫ్లాప్ లు ఉన్నాయి. దీంతో ఈ సినిమా హిట్ అయితే రవితేజ సినిమా లైఫ్ మరింత బాగుంటుంది. అంటే ఈ ఒక్క సినిమాతో డైరెక్టర్, రవితేజ లైఫ్ లు మారనున్నాయి. కానీ రవితేజ కంటే డైరెక్టర్ కార్తీక్ ఘట్టమనేనికి ఈ సినిమా చాలా కీలకంగా మారనుంది. ఈ సినిమా సక్సెస్ సాధిస్తే డైరెక్టర్ కు మంచి గుర్తింపు వస్తుంది. ఇక ట్రైలర్ చూస్తే ఈ సినిమా మేకింగ్ చాలా బాగా డిజైన్ చేసినట్టుగా తెలుస్తోంది. కానీ ఫుల్ సినిమా చూస్తే గానీ ఏది చెప్పలేం. సంక్రాంతికే ఈ సినిమా రిలీజ్ అవుతుంది కాబట్టి మరి ప్రేక్షకులను అలరించడంలో ఎలాంటి పాత్ర పోషిస్తుందో చూడాలి.
