Kannappa movie YouTube Release: మంచు విష్ణు ఎంతో ప్రతిష్టాత్మకంగా నటిస్తూ నిర్మించిన చిత్రం ‘కన్నప్ప’. గత ఏడాది భారీ అంచనాల నడుమ విడుదలైన ఈ చిత్రం డిజాస్టర్ ఫ్లాప్ గా నిల్చింది. పాన్ ఇండియా లెవెల్ లో సూపర్ స్టార్స్ గా కొనసాగుతున్న ప్రభాస్, అక్షయ్ కుమార్, మోహన్ లాల్ వంటి దిగ్గజాలు ఉన్నప్పటికీ కూడా ఈ చిత్రానికి ఆశించిన స్థాయి రెస్పాన్స్ రాలేదు. ఓవరాల్ వరల్డ్ వైడ్ గా ఫుల్ రన్ లో 50 కోట్ల రూపాయిల రేంజ్ గ్రాస్ వసూళ్లు 23 కోట్ల రూపాయిల రేంజ్ లో షేర్ వసూళ్లు వచ్చాయి. ఇది మంచు విష్ణు రేంజ్ కి చాలా ఎక్కువ, కానీ పెట్టిన బడ్జెట్ కి అది చాలా తక్కువ. అయితే విడుదల తర్వాత ఈ చిత్రాన్ని అమెజాన్ ప్రైమ్ సంస్థ కొనుగోలు చేసింది. ఆడియన్స్ నుండి థియేటర్స్ లో కాస్త పాజిటివ్ రెస్పాన్స్ రావడంతో ఈ చిత్రాన్ని మంచి రేట్ కి కొనుగోలు చేసింది అమెజాన్ ప్రైమ్ సంస్థ.
దీంతో మంచు విష్ణు పెట్టిన బడ్జెట్ కొంత వరకు రీకవర్ అయ్యింది. కానీ ఇంకా ఈ చిత్రం రీకవరీ అవ్వడానికి 50 కోట్ల రూపాయలకు పైగానే అవసరం ఉంది. అందుకే మంచు విష్ణు ఈ చిత్రాన్ని నేరుగా తన కంపెనీ యూట్యూబ్ ఛానల్ లో విడుదల చెయ్యాలని నిర్ణయించుకొని , నిన్న విడుదల చేశారు. అవా ఎంటర్టైన్మెంట్స్ అనే యూట్యూబ్ ఛానల్ లో ఈ చిత్రాన్ని ఉచితంగానే వీక్షించవచ్చు. ఈమధ్య కాలం లో యూట్యూబ్ లో మిలియన్ల సంఖ్యలో వ్యూస్ వస్తున్నాయి. తద్వారా రెవిన్యూ ఎవ్వరూ ఊహించని రేంజ్ లో ఉంది. రీసెంట్ గానే బెల్లంకొండ సాయి శ్రీనివాస్ నటించిన ‘జయ జానకి నాయక’ చిత్రానికి ఏకంగా 1 బిలియన్ కి పైగా వ్యూస్ వచ్చిన సంగతి అందరికీ తెలిసిందే.
ఈ వ్యూస్ ద్వారా రెవిన్యూ కోట్లలోనే ఉంటుంది. ఇప్పుడు ‘కన్నప్ప’ చిత్రానికి కూడా ఇదే రేంజ్ రెస్పాన్స్ ని ఊహిస్తున్నారు మంచు విష్ణు. ఈ చిత్రాన్ని అప్లోడ్ చేసిన 18 గంటల్లో దాదాపుగా లక్షకు పైగా వ్యూస్ వచ్చాయి. ఇది మంచి రెస్పాన్స్ అని చెప్పొచ్చు , రాబోయే రోజుల్లో మిలియన్ల సంఖ్యలో వ్యూస్ వస్తాయి. మరి మంచు విష్ణు పెట్టిన బడ్జెట్ ఇలా అయినా రీకవరీ అవుతుందో లేదో చూడాలి. ఇకపోతే రీసెంట్ గానే ఈ చిత్రాన్ని గ్రాండ్ గా రీ రిలీజ్ చేశారు. కానీ రెస్పాన్స్ మాత్రం సూన్యం. కనీసం ఒక్క టిక్కెట్ కూడా అమ్ముడుపోలేదు. ఇది మంచు విష్ణు కి పెద్ద షాక్ అనే చెప్పాలి , మరి యూట్యూబ్ లో రాబోయే రోజుల్లో ఎలాంటి రెస్పాన్స్ వస్తుందో చూద్దాం.
