సినిమా కోసం మెగా అల్లుడు..?

మెగాస్టార్ చిరంజీవి చిన్న అల్లుడు ‘కళ్యాణ్ దేవ్’ హీరోగా, డైలాగ్ రైటర్ ‘శ్రీధర్ సీపాన’ దర్శకత్వంలో ఓ సినిమా రాబోతున్న సంగతి తెలిసిందే. ఈ సినిమా కథ పట్ల వైష్ణవ్ తేజ్ చాలా ఇంప్రెస్ అయ్యారు. అందుకే కథలో మరింత ఆకర్షణీయంగా కనబడటం కోసం లుక్ మార్చుకుంటున్నాడని.. లాక్ డౌన్ తో వచ్చిన ఖాళీ సమయంలో ఇప్పటికే బరువు తగ్గే వర్కవుట్స్ మొదలుపెట్టాడని.. అందుకోసం ఆర్గానిక్ థెరపీ ఫాలో అవుతున్నట్లు ఇండస్ట్రీలో టాక్ వినిపిస్తోంది. కరోనా ప్రభావం ముగియగానే ఈ ప్రాజెక్ట్ పట్టాలెక్కే అవకాశం ఉంది. ఇందులో దేవ్ సరసన అవికా ఘోర్ కథానాయకిగా నటిస్తుందట.

అయితే ఈ సినిమాలోని ఇతర నటీనటులు, సాంకేతిక వర్గం వివరాలు గురించి ఇంకా తెలియాల్సి ఉంది. ‘జిఏ 2 పిక్చర్స్’ సమర్పణలో నిర్మాతలు టి.జి.విశ్వప్రసాద్, అభిషేక్ అగర్వాల్, వివేక్ కూచిభొట్ల ఈ సినిమాని నిర్మిస్తున్నారు. పూలరంగడు, భీమవరం బుల్లోడు, లౌక్యం వంటి పలు హిట్ చిత్రాలకు కథ, మాటలు అందించిన ‘శ్రీధర్ సీపాన’ మరి ఈ సినిమా కోసం ఎలాంటి కథాకథనాలను వాడేరో చూడాలి.

ఇక కల్యాణ్ దేవ్ హీరోగా ‘విజేత’ చిత్రంతో ప్రేక్షకుల ముందుకు వచ్చి ఫ్యామిలీ ఆడియన్స్ ను ఆకట్టుకున్నే ప్రయత్నం చేశాడు. అయితే ఆ చిత్రం ఆశించిన స్థాయిలో ఆడలేదు. కళ్యాణ్ దేవ్ మాత్రం నటనలో మంచి ప్రతిభను కనబరిచాడు. ప్రస్తుతం ‘కళ్యాణ్ దేవ్’ నూతన దర్శకుడు పులి వాసు దర్శకత్వంలో తన రెండువ చిత్రాన్ని చేస్తున్నాడు. ఈ సినిమా రిజ్వాన్ ఎంటర్టైన్మెంట్స్ బ్యానర్ పై రూపొందుతుంది. ఈ సినిమాకి తమన్ సంగీతాన్ని సమకూరుస్తున్నారు.