జూనియర్ ఎన్టీఆర్ నటించబోయే 30వ చిత్రానికి దర్శకుడు త్రివిక్రమ్ శ్రీనివాస్ ఇప్పటికే స్క్రిప్ట్ వర్క్ తో సిద్ధంగా ఉండగా ప్రీ ప్రొడక్షన్ పనులు జరుగుతున్నాయి.కాగా ఈ చిత్ర విషయంలో తారక్ చాలా జాగ్రత్తలు తీసుకొంటున్నాడు. పూర్తి స్థాయి వినోదాత్మకంగా ఉండేలా చూసుకొంటూ సంగీతానికి కూడా అధిక ప్రాధాన్యత ఇస్తున్నాడు. ఆ క్రమంలో అల వైకుంఠపురంలో చిత్రం కొరకు బ్లాక్ బస్టర్ మ్యూజిక్ ఇచ్చిన సంగీత దర్శకుడు థమన్ నే ఎన్టీఆర్ చిత్రం కొరకు కూడా తీసుకొనే ఆలోచనలో ఉన్నారట దర్శకుడు త్రివిక్రమ్. థమన్ అయితే ఈ చిత్రానికి మ్యూజిక్ పరంగా పూర్తి న్యాయం చేయగలడని త్రివిక్రమ్, తారక్ నమ్ముతున్నారట. ఎన్టీఆర్-త్రివిక్రమ్ కాంబినేషన్ లో వచ్చిన అరవింద సమేత కోసం మంచి మ్యూజిక్ ఇచ్చిన థమన్ గతంలో ఎన్టీఆర్ నటించిన బృందావనం మూవీకి కూడా సూపర్ హిట్ మ్యూజిక్ ఇచ్చాడు.
హారిక అండ్ హాసిని క్రియేషన్స్ మరియు ఎన్టీఆర్ ఆర్ట్స్ ఈ మూవీని సంయుక్తంగా ఈ చిత్రాన్ని నిర్మిస్తున్నాయి. మే నెలలో ఈ చిత్రం సెట్స్ పైకి వెళ్లనుంది. 2021 సమ్మర్ కానుకగా విడుదల చేయనున్నట్లు చిత్ర నిర్మాతలు ఇప్పటికే ప్రకటించేశారు. ఇండస్ట్రీలో స్టార్ హీరోలు తమ పంథా మార్చారు. వారు నటించే ప్రతి సినిమాలో నిర్మాణ భాగస్వాములు కావాలని అనుకుంటున్నారు. తారక్ కూడా ఇదే ఫాలో అవుతూ త్రివిక్రమ్ తో చేస్తున్న చిత్రం నుండి ఈ పద్ధతి మొదలుపెట్టనున్నాడు. నిజానికి ఎన్టీఆర్ ఆర్ట్స్ కళ్యాణ్ రామ్ ది అయినప్పటికీ ఎన్టీఆర్ కూడా ఈసారి వాటా తీసుకున్నట్లు తెలుస్తోంది. ఇక భవిష్యత్తులో ఓ నిర్మాణ సంస్థను స్థాపించే ఆలోచనలో ఉన్న ఎన్ టి ఆర్ ఇకపై తాను నటించే ప్రతి సినిమా నిర్మాణ భాగస్వామిగా ఉండాలని నిర్ణయించుకొన్నాడట.
Changing according to times
