Jana Nayagan on TV: తమిళ సూపర్ స్టార్ విజయ్(Thalapathy Vijay) హీరో గా నటించిన లేటెస్ట్ చిత్రం ‘జన నాయగన్'(Jana Nayagan Movie) విడుదలకు ముందే సోషల్ మీడియా లో లీక్ అవ్వడం ఎంతటి దుమారం రేపిందో మనమంతా చూస్తూనే ఉన్నాం. ఈ చిత్రం లోని సన్నివేశాలు సోషల్ మీడియా లో వైల్డ్ ఫైర్ లాగా వ్యాప్తి చెందాయి. అసలే ఈ చిత్రానికి సెన్సార్ బోర్డు నుండి సర్టిఫికేట్ రాక, నిర్మాతలు అష్టకష్టాలు పడుతుంటే , ఇప్పుడు ఆ నిర్మాతకు ఈ అదనపు భారం కలిగిస్తున్న నష్టం అంతా ఇంతా కాదు. పోలీసులు రీసెంట్ గానే ఈ సినిమా లీక్ కి కారణమైన నిందితులను గుర్తించి అరెస్ట్ చేశారు. అంతే కాకుండా, సోషల్ మీడియా లో దాదాపుగా 300 కి పైగా పైరసీ లింకులను తొలగించారు. ఇదంతా పక్కన పెడితే నిన్న ఈ సినిమా తమిళనాడు లోకల్ కేబుల్ టీవీ లో ప్రసారం అవ్వడం సంచలనంగా మారింది.
పూర్తి వివరాల్లోకి వెళ్తే తమిళనాడు లోని కోయంబత్తూరు ప్రాంతానికి సంబంధించిన రాశీ కేబుల్ నెట్వర్క్ లో ఈ సినిమా ప్రదర్శితమైంది. దీనిని గుర్తించిన పోలీసులు ఆ లోకల్ ఛానల్ నెట్వర్క్ ని నడుపుతున్న పళని స్వామిని అరెస్ట్ చేశారు. ఇది తెలుసుకున్న విజయ్ అభిమానులు సోషల్ మీడియా సాక్షిగా తీవ్రమైన ఆందోళన వ్యక్తం చేస్తున్నారు. ఒక్కసారి ఆన్లైన్ లో లీక్ అయిన సినిమా, బయటకు రాకుండా ఆగదు. ఈపాటికి ‘జన నాయగన్ ‘ చిత్రాన్ని అత్యధిక శాతం మంది చూసేసి ఉంటారు. థియేటర్స్ లో విడుదల చేస్తే కనీసం వంద కోట్ల గ్రాస్ వసూళ్లు కూడా వచ్చే పరిస్థితులు కనిపించడం లేదు, విజయ్ అభిమానులు తప్ప , ఎవ్వరూ ఈ సినిమాని థియేటర్స్ లో చూడరు అంటూ అభిమానులు ఆవేదన వ్యక్తం చేస్తున్నారు. లీకైన వెంటనే సినిమాని వారం లోపు విడుదల చెయ్యాలి.
కానీ సెన్సార్ బోర్డు సర్టిఫికేట్ ఇవ్వడం లేదు. వాళ్ళు చెప్పినట్టుగానే, సినిమాలో చెయ్యాల్సిన మార్పులు మొత్తం చేసి ఫైనల్ ఎడిట్ ని సెన్సార్ కి పంపించారు మేకర్స్. అయినప్పటికీ కూడా ఎదో ఒక సాకుతో సెన్సార్ కార్యక్రమాలను వాయిదా వేస్తున్నారు. ఇది కచ్చితంగా రాజకీయ కుట్ర నే అని అంటున్నారు ఫ్యాన్స్. ఏప్రిల్ 30 న ఈ చిత్రాన్ని విడుదల చెయ్యాలని నిర్మాత ప్లాన్. కానీ ఇప్పటికీ దానిపై ఎలాంటి స్పష్టమైన క్లారిటీ లేదు. మే నెలలో కూడా విడుదల కాకుంటే , ఇక ఈ సినిమాని థియేటర్స్ లో విడుదల చేసి వృధా, నేరుగా ఓటీటీ లోనే విడుదల చేసుకోవాల్సి ఉంటుందని అంటున్నారు విశ్లేషకులు. గతం లో ‘అత్తారింటికి దారేది’ చిత్రం కూడా ఇలాగే విడుదలకు ముందు సినిమా లీక్ అయితే, నిర్మాతలు కేవలం వారం రోజుల్లోనే ఈ చిత్రాన్ని ప్రేక్షకుల ముందుకు తీసుకొచ్చారు. అందుకే ఆ సినిమా ఇండస్ట్రీ హిట్ అయ్యింది . కానీ ఇక్కడ ఆ పరిస్థితులు లేకపోవడం గమనార్హం.
