Jai Hanuman Movie Shooting Started: టాలీవుడ్ హిస్టరీ లో కొన్ని సినిమాలు సృష్టించే బాక్స్ ఆఫీస్ సునామీలను అంత తేలికగా ఎవ్వరూ మర్చిపోలేరు. అలాంటి సునామీలలో ఒకటి ‘హనుమాన్'(Hanuman Movie) చిత్రం. 2024 వ సంవత్సరం లో సంక్రాంతి కానుకగా విడుదలైన ఈ చిత్రం, ఒక చిన్న సినిమాతో ఎన్ని అద్భుతాలు చేయొచ్చు అనేదానికి నిదర్శనం గా మారింది. మొదట్లో ఈ సినిమా సూపర్ స్టార్ మహేష్ బాబు, త్రివిక్రమ్ శ్రీనివాస్ కాంబినేషన్ లో వస్తున్న ‘గుంటూరు కారం’ కి పోటీగా వస్తోంది, డైనోసర్ లాంటి ఆ కాంబినేషన్ సినిమాతో పోటీ పడడం అవసరమా అని సోషల్ మీడియా లో నెటిజెన్స్ కామెంట్స్ చేశారు. కానీ ‘గుంటూరు కారం’ చిత్రం విడుదలైన రోజే, ఈ సినిమా కూడా విడుదలైంది. అతి తక్కువ థియేటర్స్ తో, అతి తక్కువ షోస్ తోనే ఈ సినిమా బాక్స్ ఆఫీస్ ప్రస్థానం మొదలైంది.
అలా మొదలైన ఈ సినిమా, బాక్స్ ఆఫీస్ వద్ద 300 కోట్ల రూపాయలకు పైగా గ్రాస్ వసూళ్లను రాబట్టి సంచలనం సృష్టించింది. ఇప్పటికీ ఈ సినిమా కలెక్షన్స్ ని అందుకోలేని స్టార్ హీరోలు మన ఇండస్ట్రీ లో చాలా మంది ఉన్నారు అంటేనే అర్థం చేసుకోవచ్చు, ఇది ఏ రేంజ్ సెన్సేషన్ అనేది. ఇకపోతే ఈ సినిమాకు సీక్వెల్ ఉంటుందని, దాని పేరు ‘జై హనుమాన్’ ని సినిమా ఎండింగ్ లోనే డైరెక్టర్ చెప్పుకొచ్చాడు. ఈ సినిమాకు సంబంధించిన ఫస్ట్ లుక్ కూడా విడుదలై మంచి రెస్పాన్స్ ని సొంతం చేసుకుంది. ‘కాంతారా’ ఫేమ్ రిషబ్ శెట్టి ఆంజనేయ స్వామి గెటప్ లో ఎంతో అద్భుతంగా కనిపించాడు. అయితే నేడు ఈ సినిమాకు సంబంధించిన పూజ కార్యక్రమాలు అంజనాద్రిలో జరిగింది. ఈ కార్యక్రమానికి రిషబ్ శెట్టి, తేజ సజ్జ లతో పాటు డైరెక్టర్ ప్రశాంత్ వర్మ కూడా పాల్గొన్నాడు.
అందుకు సంబంధించిన వీడియో ఇప్పుడు సోషల్ మీడియా లో బాగా వైరల్ అయ్యింది. ప్రస్తుతం దేశవ్యాప్తంగా హిందూ దేవుళ్ళ సినిమాలకు ఎలాంటి క్రేజ్ ఉందో ప్రత్యేకించి చెప్పనవసరం లేదు. పైగా 300 కోట్ల గ్రాస్ రాబట్టిన సినిమాకు సీక్వెల్ ఇది. ఏ మాత్రం పాజిటివ్ టాక్ వచ్చినా, పాన్ ఇండియా లెవెల్ లో మన టాలీవుడ్ నుండి మరో వెయ్యి కోట్ల సినిమా వచ్చినట్టే. అయితే ఈ సినిమాలో రిషబ్ శెట్టి తో పాటు, తేజ సజ్జ కూడా కనిపిస్తాడట. కానీ ఆయన పాత్ర నిడివి సినిమా మొత్తం ఉండదట. కేవలం కొన్ని సన్నివేశాలకు మాత్రమే పరిమితం అట. అదే విధంగా ఈ చిత్రం లో విలన్ గా రానా దగ్గుబాటి నటించబోతున్నట్టు సమాచారం. మరి శ్రీ రాముడిగా ఎవరు కనిపించబోతున్నాడు అనేది ప్రస్తుతానికి సస్పెన్స్.
#TejaSajja at #JaiHanuman Pooja Ceremony @ Anjanadri pic.twitter.com/5W31laGNqS
— Rajesh Manne (@rajeshmanne1) February 22, 2026
