Jabardasth: ఈ మధ్య కాలంలో జబర్దస్త్ షోలో కమెడియన్ల రెమ్యునరేషన్లను సంబంధించి వేర్వేరు వార్తలు ప్రచారంలోకి వస్తున్నాయి. కొంతమంది కమెడియన్లు నెలకు 3 లక్షల నుంచి 4 లక్షల రూపాయల వరకు రెమ్యునరేషన్లు తీసుకుంటున్నారని వార్తలు వైరల్ అయ్యాయి. అయితే కొన్ని నెలల క్రితం వరకు జబర్దస్త్ షో కోసం పని చేసి ప్రస్తుతం కామెడీ స్టార్స్ షోలో స్కిట్లు చేస్తున్న అప్పారావు తాజాగా ఒక ఇంటర్వ్యూలో ఆసక్తికర విషయాలను చెప్పుకొచ్చారు.
చెప్పుడు మాటలు వినేవాళ్లు ఇంకా ప్రమాదకరమని అప్పారావు పేర్కొన్నారు. జబర్దస్త్ నాకు ఆరో షో అని ఆయన పేర్కొన్నారు. మనసు బాధ పడితే మనసు మాట వినదని ఆయన వెల్లడించారు. కామెడీ స్టార్స్ షోలో డబుల్ పేమెంట్ ఇస్తున్నారని కామెడీ స్టార్స్ మంచి రేటింగ్ వస్తోందని ఆయన పేర్కొన్నారు. జబర్దస్త్ తర్వాత తాను 150 సినిమాలలో చేశానని ఆయన వెల్లడించారు.
ఒకప్పుడు జబర్దస్త్ కు 18 రేటింగ్ ఉందని ఇప్పుడు 6కు అటూఇటుగా రేటింగ్ ఉందని ఆయన చెప్పుకొచ్చారు. జబర్దస్త్ లో స్కిట్ కు 20,000 రూపాయల నుంచి 1,30,000 రూపాయల వరకు ఇస్తారని అప్పారావు తెలిపారు. ఆ డబ్బులు స్కిట్ లో పాల్గొన్న వాళ్లతో పంచుకోవాల్సి ఉంటుందని అప్పారావు వెల్లడించారు.
