Jabardasth Naresh remuneration :ఈటీవీ లో ప్రసారమయ్యే జబర్దస్త్ కామెడీ షో ద్వారా బాగా పాపులారిటీ ని సంపాదించిన కమెడియన్స్ లో ఒకరు నరేష్. చూసేందుకు చాలా చిన్నగా కనిపిస్తాడు కానీ, ఇతని కామెడీ టైమింగ్ మామూలు రేంజ్ లో ఉండదు. రెండు తెలుగు రాష్ట్రాల్లో ఇతనికంటూ ఒక ప్రత్యేకమైన ఫ్యాన్స్ కూడా ఉన్నారు. ఇప్పటి వరకు జబర్దస్త్ షో ద్వారా పాపులారిటీ ని సంపాదించిన ఎంతో మంది కమెడియన్స్ సినిమా అవకాశాల కోసం ఆ షో ని వదిలి వెళ్లిపోయారు. కానీ నరేష్ మాత్రం ఇప్పటికీ కొనసాగుతూనే ఉన్నాడు. చూసేందుకు చిన్న పిల్లవాడిగా అనిపించే నరేష్ వయస్సు దాదాపుగా 30 ఏళ్ళ వరకు ఉంటుంది. జన్యు పరంగా లోపాలు ఉండడం వల్ల ఆయన హైట్ పెరగలేకపోయాడు. అయితే తనలో ఉన్న ఈ లోపాన్ని పాజిటివ్ గా మార్చుకొని కామెడీ చేస్తూ, మనలోని లోపాలతో కూడా ఇండస్ట్రీ లో సక్సెస్ కావొచ్చు అనే భరోసా ఎంతో మందిలో కల్పించాడు.
ఇదంతా పక్కన పెడితే ఇప్పుడు నరేష్ ఒక్కో షో లేదా ఈవెంట్ కి తీసుకునే రెమ్యూనరేషన్ గురించి ఇప్పుడు సోషల్ మీడియా లో హాట్ టాపిక్ నడుస్తోంది. నరేష్ జబర్దస్త్ షోలోకి బులెట్ భాస్కర్ టీం ద్వారా పరిచయం అయ్యాడు. ఆ టీం లో తన అద్భుతమైన కామెడీ టైమింగ్ తో మంచి పేరు తెచ్చుకున్న తర్వాత , అతనికి ఒక్కో స్కిట్ కి లక్ష రూపాయిలు ఇచ్చేవారు. ఇక టీం లీడర్ గా ఎదిగిన తర్వాత ఆయన ఒక్కో ఎపిసోడ్ కి 2 నుండి 2 లక్షల 50 వేల వరకు రెమ్యూనరేషన్ అందుకుంటున్నాడని నెలలో మొత్తం మీద ఆయన నాలుగు జబర్దస్త్ ఎపిసోడ్స్ చేస్తాడు కాబట్టి , నెలకు కేవలం జబర్దస్త్ నుండి 8 నుండి 10 లక్షల రూపాయిలు వస్తాయని అంటున్నారు.
అప్పుడప్పుడు శ్రీదేవి డ్రామా కంపెనీ తో పాటు ఈటీవీ లో కొన్ని పండగ స్పెషల్ ప్రోగ్రామ్స్ కూడా ఉంటాయి. వాటిల్లో కూడా నరేష్ పాల్గొంటూ ఉంటాడు. అలా అన్ని కలుపుకొని చూస్తే నెలకు ఆయన యావరేజ్ గా 15 లక్షల రూపాయిల రెమ్యూనరేషన్ ని అందుకుంటాడట. ఆ విధంగా బుల్లితెర పై మోస్ట్ కాస్ట్లీ కమెడియన్ గా నరేష్ పేరు చెప్పొచ్చని అంటున్నారు. ఒక్కో నెల పాతిక నుండి 30 లక్షల వరకు రెమ్యూనరేషన్ తీసుకున్న రోజులు కూడా ఉన్నాయట. చిన్నతనం లో ఎన్నో ఇబ్బందులు , సవాళ్ళను ఎదురుకొని ఈ స్థాయికి వచ్చిన నరేష్ , సినిమాల్లోకి పూర్తి స్థాయిలో ఎంట్రీ ఇస్తే ఇక ఏ రేంజ్ లో సంపాదిస్తాడో మీరే ఊహించుకోండి.
