Balakrishna And Nagarjuna: సినిమా ఇండస్ట్రీలో ఒకరు చేయాల్సిన సినిమాలని మరొకరు చేయడం మనం చాలా సందర్భాల్లో చూశాం. దాని వల్ల సూపర్ హిట్లను మిస్ చేసుకున్న హీరోలు ఉన్నారు. ప్లాప్ లను వదిలించుకున్న హీరోలు కూడా ఉన్నారు.నిజానికి ఒక స్టోరీని కరెక్ట్ గా జడ్జ్ చేయగలిగే కెపాసిటీ ఉన్న హీరోలే ఇండస్ట్రీలో ఎక్కువ కాలం ఉంటారనేది మాత్రం వాస్తవం…ఇక ఇలాంటి సందర్భంలోనే బాలయ్య బాబు చేయాల్సిన ఒక సినిమాని నాగార్జున. నాగార్జున చేయాల్సిన మరో సినిమాని బాలయ్య చేశారు. అవి ఏం సినిమాలు వాటిలో ఏ సినిమా రిజల్ట్ ఏంటో ఒక్కసారి మనం తెలుసుకునే ప్రయత్నం చేద్దాం.
రాఘవేంద్రరావు దర్శకత్వంలో నాగార్జున హీరోగా విజయశాంతి హీరోయిన్ గా వచ్చిన ‘జానకి రాముడు’ సినిమాని మొదట రాఘవేంద్ర రావు బాలయ్య బాబు, విజయశాంతి కాంబినేషన్ లో తెరకెక్కిద్దామని చూశారట. కానీ కొన్ని అనివార్య కారణాల వల్ల అది నాగార్జున దగ్గరికి వచ్చింది. ఇక ఈ సినిమా పునర్జన్మ లకు సంబంధించిన కథ తో వచ్చి సూపర్ డూపర్ సక్సెస్ సాధించింది… ఇక బాలయ్య బాబు హీరోగా వచ్చిన ‘ఆదిత్య 369’ సినిమాని డైరెక్టర్ సింగీతం శ్రీనివాసరావు నాగార్జునతో చేద్దామనుకున్నాడట.
అయితే నాగార్జున ఆ స్టోరీ లో కొన్ని చేంజెస్ చెప్పడంతో అది నచ్చక సింగీతం శ్రీనివాసరావు ఆ స్క్రిప్ట్ ని బాలయ్య బాబు దగ్గరికి తీసుకొచ్చారంట.
అయితే బాలయ్య మాత్రం ఏ చేంజెస్ చెప్పకుండా సింగీతం గారిని ఫాలో అయ్యారట. ఇక సైన్స్ ఫిక్షన్ జానర్ లో వచ్చిన ఈ సినిమాతో బాలయ్య బ్లాక్ బస్టర్ హిట్ ని అందుకున్నాడు. బాలయ్య చేయాల్సిన సినిమాతో నాగార్జున, నాగార్జున చేయాల్సిన సినిమాతో బాలయ్య ఇద్దరు కూడా బ్లాక్ బస్టర్ హిట్స్ అందుకోవడం విశేషం…
అయితే ఇద్దరూ కూడా స్టార్ హీరోలుగా గత 35 సంవత్సరాల నుంచి ఇండస్ట్రీలో కొనసాగుతున్నారు. ఇక ఇప్పటికీ వీళ్లిద్దరూ సీనియర్ హీరోలుగా తమ సత్తా ఏంటో ఇండస్ట్రీలో చూపిస్తూ ముందుకు దూసుకెళ్తున్నారు. ఇక ముఖ్యంగా వీళ్ళిద్దరూ నందమూరి, అక్కినేని ఫ్యామిలీ లకు వారసులు కావడం విశేషం…