Actor Indraja: ‘ఐకాన్ స్టార్’గా ప్రమోట్ అవ్వడానికి రిస్క్ చేసి మరీ నేషనల్ రేంజ్ లో ‘అల్లు అర్జున్’ పుష్ప- ది రైజ్’ సినిమా చేశాడు. అత్యంత ప్రతిష్టాత్మకంగా వచ్చిన ఈ సినిమా పాన్ ఇండియా స్థాయిలో రిలీజ్ అయి.. బాగానే హిట్ అయ్యింది. ప్రస్తుతం ‘పుష్ప పార్ట్ 2’ పై సుకుమార్ కసరత్తులు స్టార్ట్ చేశాడు. అయితే, ‘పుష్ప 2’లో కొత్త నటీనటులను సుక్కు తీసుకోబోతున్నాడు. ఈ క్రమంలో మాజీ హీరోయిన్ ను కూడా ఫైనల్ చేశాడు.
90ల్లో హీరోయిన్ గా పేరు తెచ్చుకున్న నటి ఇంద్రజ ప్రస్తుతం బుల్లితెర పై బాగానే హడావిడి చేస్తోంది. అయితే, తాజాగా ఇంద్రజకు భారీ ఆఫర్ తగిలినట్టు తెలుస్తోంది. పుష్ప పార్ట్ 2లో ఓ కీలక పాత్ర కోసం సుక్కు ఇంద్రజ తీసుకున్నాడు. ‘పుష్ప 2′ కథలో కొన్ని మార్పులు చేశారు. ఈ క్రమంలో ఇంద్రజ బన్నీ పాత్రకు పిన్ని పాత్రలో కనిపించబోతుంది.
Also Read: ఆ విషయంలో వర్మను స్ఫూర్తిగా తీసుకున్నాను – రాజమౌళి
ఇంతకీ, సుక్కు – బన్నీ ‘పుష్ప2’ పై ఏం చేయనున్నారు ? అనే కొత్త ప్రశ్నలు సంధిస్తున్నారు నెటిజన్లు. నిజానికి అల్లు అర్జున్ – సుకుమార్ కాంబినేషన్ అంటేనే ఫుల్ క్రేజ్. అంచనాలు బారీగా ఉంటాయి. ఆ అంచనాలు అందుకోవడం అంత ఈజీ కాదు. అందుకే, ‘పుష్ప’ పార్ట్ 1 టాక్ విషయంలో మొదట కాస్త మిశ్రమ ఫలితాలు వచ్చాయి.
ఏది ఏమైనా పార్ట్ 1 అంచనాలను అందుకోలేకపోయింది. కానీ, కమర్షియల్ గా బాగానే కలెక్ట్ చేసింది. అందుకే, పార్ట్ 2 పై నిర్మాతలు భారీగా ఖర్చు పెడుతున్నారు. కానీ ‘పుష్ప పార్ట్ 2’ పై భారీ ఒత్తిడి ఉంది. ఎలాగూ పార్ట్ 2కి సంబంధించిన షూటింగ్ కూడా సగం అయిపోయింది. మరి ఇప్పుడు మార్పులు చేర్పులు చేసి సుక్కు ఈ పార్ట్ 2 ను ప్లాన్ చేస్తున్నాడు.
మరి ఈ సినిమా అవుట్ ఫుట్ ఎలా వస్తోందో చూడాలి. సరే ఎలా వచ్చినా నటి ఇంద్రజకు మాత్రం మంచి క్యారెక్టర్ దొరికింది. ఇప్పటికే బుల్లితెరపై అలరిస్తున్న ఆమె ‘స్టాండప్ రాహుల్’ సినిమాలో హీరో రాజ్ తరుణ్ కు తల్లి పాత్రలో కూడా కనిపించబోతుంది. ఈ సినిమాలో ఆమె పాత్ర చాలా కీలకమైనది అట. మొత్తానికి సుక్కు చూపు ఈ సారి ఇంద్రజ పై పడింది. మరి ఆమెను మరో రంగమ్మత్తను చేస్తాడేమో.
