RRR Movie: ప్రముఖ దర్శకుడు రాజమౌళి ప్రతిష్టాత్మకంగా తెరకెక్కిస్తున్న చిత్రం ‘ఆర్ఆర్ఆర్’. ఈ సినిమాలో మెగా పవర్ స్టార్ రామ్ చరణ్ యంగ్ టైగర్ ఎన్టీఆర్ కలిసి నటిస్తున్నారు. కాగా వీరి సరసన ఒలీవియా మోరిస్‌, ఆలియా భట్ హీరోయిన్స్ నటిస్తున్నారు. కాగా అజయ్ దేవగన్, శ్రియ , సముద్రఖని ముఖ్య పాత్రల్లో కనిపించనున్నారు. భారీ బడ్జెట్ తో డి‌వి‌వి దానయ్య ఈ సినిమాను నిర్మిస్తున్నారు. ప్రమోషన్స్లో భాగంగా రాజమౌళి భారీ ప్లాన్ చేస్తున్నారు. అయితే, తాజాగా, ఈ సినిమాకు సంబంధించి ఓ వార్త ప్రస్తుతం చర్చనీయాంశమైంది. ఈ సినిమాలో ఎన్టీఆర్ ఓ పాట పాడారంటూ ఇండస్ట్రీలో టాక్ వినిపిస్తోంది. అయితే, ఇందులో ఎలాంటి వాస్తం లేదని పలువురు భావిస్తున్నారు. మరి నిజమేంటో తెలియాల్సి ఉంది.
ఈ క్రమంలోనే వరుస అప్డేట్స్, రూమర్స్తో ఆర్ఆర్ఆర్ దేశవ్యాప్తంగా ఫుల్ ట్రెండింగ్లో దూసుకెళ్తోంది. ఈ సినిమాలో ఎన్టీఆర్ కొమరం భీమ్గా కనిపంచనుండగా. అల్లూరి పాత్రలో చరణ్ నటించనున్నారు. జనవరి 7న రిలీజ్ కానున్న ఈ సినిమాకు యూనిట్ భారీ ప్రచార కార్యక్రమాలు షురూ చేసింది. ఇప్పటికే విడుదల చేసిన లుక్స్, గ్లింప్స్, లిరికల్ వీడియోలకి అద్భుతమైన రెస్పాన్స్ వచ్చిన సంగతి తెలిసిందే.
మరోవైపు బాలీవుడ్లోనూ ఈ సినిమా ప్రచారాన్ని వేగవంతం చేసేందుకు రాజమౌలి ప్లాన్ చేస్తున్నట్లు తెలుస్తోంది. ఈ క్రమంలోనే సల్మాన్ఖాన్ను కలిసినట్లు ఇటీవలే వార్తలు వనిపించాయి. మరి ఇంతటి అంచనాలు, భారీ పోటీల నడుమ సంక్రాంతి బరిలో దిగుతున్న ఆర్ఆర్ఆర్ ఎలా ఆకట్టుకుంటుందో చూడాలి మరి.