BigBoss: మెగా పవర్ స్టార్ రామ్ చరణ్ వరుస సినిమాలతో దూసుకుపోతున్నారు. రాజమౌళి దర్శకత్వంలో ఆర్ఆర్ఆర్ సినిమాలో నటిస్తుండగా.. మరోవైపు ఆచార్య సినిమాలోనూ కీలక పాత్ర పోషిస్తున్నారు. కాగా, శంకర్ దర్శకత్వంలోనూ ఓ సినిమా చేస్తున్నారు. ఇలా వరుసగా పాన్ఇండియా చిత్రాల్లో ఫుల్ బిజీగా ఉన్నారు చెర్రి. ప్రస్తుతం శంకర్తో చేస్తున్న సినిమా షూటింగ్ శరవేగంగా సాగుతోంది. అయితే, తాజా సమాచారం ప్రకారం.. ఈ సినిమాలో బిగ్బాస్ కంటెస్టెంట్లకు అవకాశం లభించినట్లు తెలుస్తోంది.
లోబో, విశ్వలకు ఈ ఆఫర్ వచ్చినట్లు సమాచారం. ఇటీవల వీరిద్దరు రామ్చరణ్తో కలిసి దిగిన ఫొటోలు నెట్టింట వైరల్గా మారాయి. మరోవైపు, రామ్చరణ్ బిగ్బాస్ షోకు అదిథిగా రావడం కూడా తెలిసిందే. ఈ క్రమంలోనే ఈ వార్తలకు మరింత బలం చేకూరినట్లైంది. అయితే, ఈ విషయంపై అధికారిక ప్రకటన వెలువడాల్సి ఉంది.
ఈ సినిమా సెకండ్ షెడ్యూల్ రాబాదులోని రామోజీ ఫిల్మ్ సిటీలో ప్రారంభమైంది. చెర్రీ, కియారాపై కొన్ని కీలక సన్నివేశాలు చిత్రీకరించనున్నట్లు తెలుస్తోంది. చరణ్కు ఇది 15వ సినిమా.. దీంతో ప్రేక్షకులలో ఎక్స్పెక్టేషన్స్ భారీగానే ఉన్నాయి. మలయాళ నటుడు జయరామ్,సురేశ్ గోపీ సునీల్, నవీన్ చంద్ర, శ్రీకాంత్ తదితరులు ఇందులో కీలక పాత్రలు పోషిస్తున్నారు. కాగా, రామ్చరణ్ ఆచార్య సినిమాలోనూ నటిస్తున్న సంగతి తెలిసిందే. వచ్చే ఏడాది ఫిబ్రవరి 4న ఈ సినిమా విడుదల కానుంది. చిరంజీవి సరసన కాజల్, చెర్రీ కి జోడీగా పూజ హెగ్డే నటించారు. ఇటీవల విడుదలైన ఈ సినిమా పాటలు, టీజర్లు నెట్టింట సందడి చేస్తున్నాయి.