Hrithik Roshan in Jailer 2: సూపర్ స్టార్ రజినీకాంత్ కెరీర్ లో ఎంతో ప్రత్యేకమైన చిత్రం ‘జైలర్’. నేటి తరం ఆడియన్స్ లో రజినీకాంత్ రేంజ్ ఏంటో తెలియజేసేలా చేసిన చిత్రమిది. భారీ అంచనాల నడుమ విడుదలైన ఈ చిత్రానికి ప్రపంచవ్యాప్తంగా 650 కోట్ల రూపాయిల గ్రాస్ వసూళ్లను రాబట్టింది. అప్పటి వరకు వరుస ఫ్లాప్స్ లో ఉన్నటువంటి రజినీకాంత్ కి, ఈ సినిమా ఇచ్చిన కిక్ సాధారమైనది కాదు. అలాంటి సూపర్ హిట్ సినిమాకు సీక్వెల్ అంటే కచితంగా ఆడియన్స్ లో విపరీతమైన క్రేజ్ ఉండడం సహజం. ‘జైలర్ 2’ కి ప్రస్తుతం ఎవ్వరూ ఊహించనంత క్రేజ్ ఉంది. కోలీవుడ్ సినీ ఇండస్ట్రీ కి ఇప్పటి వరకు ఒక్కటంటే ఒక్క వెయ్యి కోట్ల గ్రాస్ సినిమా కూడా లేదు, ‘జైలర్ 2’ మొట్టమొదటి వెయ్యి కోట్ల సినిమాగా నిలుస్తుందని అభిమానులు బలమైన నమ్మకాన్ని వ్యక్తం చేస్తున్నారు. ఈ సినిమాకు సంబంధించిన షూటింగ్ కార్యక్రమాలు పూర్తి అయ్యి చాలా రోజులే అయ్యింది.
అయితే ఈ సినిమాలో అతిథి పాత్రకు సంబంధించి సోషల్ మీడియా లో వచ్చిన రూమర్స్ ని గత కొంతకాలంగా మనమంతా చూస్తూనే ఉన్నాం. ముందుగా నందమూరి బాలకృష్ణ ఈ చిత్రం లో గెస్ట్ రోల్ లో కనిపించబోతున్నాడని పెద్ద ఎత్తున ప్రచారం జరిగింది , ఆ తర్వాత బాలీవుడ్ సూపర్ స్టార్ షారుక్ ఖాన్ ఆ పాత్రలో నటించబోతున్నాడని వార్తలు వచ్చాయి. ఇవి రెండు సరిపోవు అన్నట్టు , పవర్ స్టార్ పవన్ కళ్యాణ్ పేరు కూడా కొన్ని రోజులు బలంగా వినిపించింది. వీళ్ళెవ్వరూ కూడా ఈ పాత్రలో నటించడానికి ఒప్పుకోలేదు, అయితే ఇప్పుడు ఈ పాత్రని బాలీవుడ్ సూపర్ స్టార్స్ లో ఒకరినే హృతిక్ రోషన్ చేయడానికి గ్రీన్ సిగ్నల్ ఇచ్చినట్టు లేటెస్ట్ గా బలంగా వినిపిస్తున్న వార్త.
గతం లో హిందీ లో రజినీకాంత్ హీరో గా నటించిన ‘భగవాన్ దాదా’ అనే సినిమాలో హృతిక్ రోషన్ చైల్డ్ ఆర్టిస్ట్ పాత్రలో నటించాడు. 1986 వ సంవత్సరం లో విడుదలైన ఈ సినిమా పెద్ద హిట్ అయ్యింది. మళ్లీ వీళ్లిద్దరు సూపర్ స్టార్ స్టేటస్ కి వచ్చిన తర్వాత కలిసి నటించబోతున్నారు. అయితే ఇంతమంది సూపర్ స్టార్స్ ఎందుకు ఆ పాత్రని రిజెక్ట్ చేశారు ?, హృతిక్ రోషన్ అది ఆలోచించకుండా ఈ పాత్రలో నటించడానికి ఎలా ఒప్పుకున్నాడు అనేది తెలియాలంటే కొన్ని రోజులు ఆగాల్సిందే. రీసెంట్ గానే హృతిక్ రోషన్ ఎపిసోడ్స్ కి సంబంధించిన షూటింగ్ కార్యక్రమాలను పూర్తి చేశాడట డైరెక్టర్ నెల్సన్ దిలీప్ కుమార్. ఈ ఏడాది సెకండ్ హాఫ్ లో ఈ చిత్రం ప్రేక్షకుల ముందుకు వచ్చే అవకాశాలు ఉన్నాయి.
