Hit 3 Twitter Talk : ‘హిట్ 3’ ట్విట్టర్ టాక్ వచ్చేసింది..క్లైమాక్స్ ట్విస్ట్ ఆ రేంజ్ లో ఉందా!

Hit 3 Twitter Talk : నేచురల్ స్టార్ నాని(Natural Star Nani) హీరో గా నటించిన లేటెస్ట్ చిత్రం ‘హిట్ 3′(Hit : The Third Case) నేడు ప్రపంచవ్యాప్తంగా భారీ అంచనాల నడుమ విడుదలైంది. ఇండియా లో ఇంకా షోస్ ప్రారంభం అవ్వలేదు కానీ, నార్త్ అమెరికా లో మాత్రం ప్రీమియర్ షోస్ పూర్తి అయ్యాయి. ఈ ప్రీమియర్ షోస్ నుండి ఈ సినిమాకు అద్భుతమైన పాజిటివ్ టాక్ వచ్చింది. ట్విట్టర్ లో అయితే ప్రతీ ఒక్కరు ఎబోవ్ యావరేజ్ రేంజ్ టాక్ చెప్తున్నారు. ఓవర్సీస్ ప్రీమియర్ షోస్ నుండే ఇలాంటి టాక్ వస్తే, ఇక ఇండియా లో పూర్తి స్థాయిలో షోస్ పూర్తి అయ్యాక బ్లాక్ బస్టర్ టాక్ వస్తుంది అనడంలో ఎలాంటి సందేహం లేదు. వరుసగా మూడు హిట్స్ తర్వాత నాని కి ఇది నాల్గవ హిట్. హీరో గా, నిర్మాతగా ఒకేసారి ఈ రేంజ్ బ్లాక్ బస్టర్ కొట్టడం ఆయన అభిమానులకు నిజంగా సంబరాలు చేసుకునే సమయం అనే చెప్పాలి.

ఇకపోతే ట్విట్టర్ టాక్ ని ఒకసారి నిశితంగా పరిశీలిస్తే ఫస్ట్ హాఫ్ చాలా మంది అద్భుతంగా ఉందని అంటున్నారు. కానీ కొంతమంది మాత్రం రొటీన్ స్టఫ్ అని కామెంట్స్ చేసారు కానీ, ఓవరాల్ ఫస్ట్ హాఫ్ మంచి గ్రిప్పింగ్ స్క్రీన్ ప్లే తోనే డైరెక్టర్ శైలేష్ తెరకెక్కించాడు. హీరో, హీరోయిన్ మధ్య వచ్చే లవ్ ట్రాక్ సినిమాకు స్పీడ్ బ్రేకర్ అవుతుందేమో అని ట్రైలర్ ని చూసినప్పుడు అనుకున్నారు కానీ, అలాంటిదేమి లేదు. ఆ లవ్ ట్రాక్ కూడా చూసేందుకు చాలా బాగుంది. కానీ పాటలు మాత్రం భరించాల్సిందే. అవి ఈ సినిమా స్క్రీన్ ప్లే కి అడ్డుగా నిలిచాయి అనడంలో ఎలాంటి సందేహం లేదు. ఓవరాల్ గా మంచి ఫస్ట్ హాఫ్, సెకండ్ హాఫ్ మీద ఆసక్తి క్రియేట్ చేసేలా చేసింది. ఇక సెకండ్ హాఫ్ గురించి అయితే నెటిజెన్స్ అందరు ముక్తకంఠం తో బ్లాక్ బస్టర్ అనేస్తున్నారు.

సెకండ్ హాఫ్ ప్రారంభం నుండే గ్రిప్పింగ్ స్క్రీన్ ప్లే తో ఆసక్తి కరంగా నడిపించడం లో డైరెక్టర్ శైలేష్ గ్రాండ్ సక్సెస్ అయ్యాడు. ఇక ప్రీ క్లైమాక్స్ నుండి క్లైమాక్స్ వరకు వచ్చే సన్నివేశాలన్నీ వేరే లెవెల్ లో ఉన్నాయట. నాని ఈ చిత్రం లో తన నట విశ్వరూపం చూపించేసాడని అందరూ అంటున్నారు. ఇక చివర్లో హీరో కార్తీ ఎంట్రీ ఇవ్వడం, ‘హిట్ 4’ హీరో ఆయనే అని హిట్ అవ్వడం తో సినిమా ముగుస్తుంది. అడ్వాన్స్ బుకింగ్స్ ద్వారా నాని ఇప్పటికే విద్వంసం సృష్టించేసాడు. ఈ రేంజ్ పాజిటివ్ టాక్ వచ్చిన తర్వాత ఆయన ఏకంగా 200 కోట్ల రూపాయిల గ్రాస్ మార్కు ని అందుకునే అవకాశాలు ఉన్నాయి. అదే కనుక జరిగితే నాని చాలా మంది స్టార్ హీరోలను దాటేసినట్టే అనుకోవచ్చు, చూడాలి మరి ఈ సినిమా సృష్టించే విద్వంసం ఎలా ఉంటుంది అనేది.