Sayani Gupta
Sayani Gupta: కలర్ఫుల్ గా కనిపించే సినిమా పరిశ్రమలో కనిపించని చీకటి కోణాలు ఎన్నో. ముఖ్యంగా క్యాస్టింగ్ కౌచ్, లైంగిక వేధింపులు అతి పెద్ద సమస్య. అవకాశాలు ఎర చూపి, బెదిరించి మహిళా నటుల మీద లైంగిక దాడులకు పాల్పడుతూ ఉంటారు. మహిళల్లో చైతన్యం పెరగడంతో పాటు, సోషల్ మీడియా అండ ఉన్న కారణంగా కొందరు మహిళలు తమకు ఎదురైన లైంగిక వేధింపుల పై పెదవి విప్పుతున్నారు. ఇటీవల మలయాళ చిత్ర పరిశ్రమను జస్టిస్ హేమ కమిషన్ రిపోర్ట్ కుదిపేసింది.
మలయాళ పరిశ్రమలో చోటు చేసుకుంటున్న లైంగిక వేధింపులపై హేమ కమిషన్ రిపోర్ట్ రూపొందించింది. అందులో దిగ్భ్రాంతికర విషయాలు వెలుగు చూశాయి. అసలు దేశంలోనే అత్యధికంగా నటీమణులు లైంగిక వేధింపులకు గురి అవుతున్నారని ఆ కమిటీ తేల్చింది. కొందరు ప్రముఖులు సైతం అరెస్ట్ అయ్యారు. మహిళా నటులు తమకు ఎదురైన క్యాస్టింగ్ కౌచ్ అనుభవాలు, లైంగిక దాడులు, వేధింపులపై గళం విప్పారు.
దశాబ్దానికి పైగా చిత్ర పరిశ్రమలో ఉన్న సయాని గుప్త గతంలో ఒక హీరో తన పట్ల అసభ్యంగా ప్రవర్తించినట్లు వెల్లడించారు. ఒక బెడ్ రూమ్ సన్నివేశంలో సదరు హీరోతో నటించారట ఆమె. దర్శకుడు కట్ చెప్పినా.. ఆ హీరో సయాన గుప్తను కిస్ చేస్తూనే ఉన్నాడట. ఆ సమయంలో చాలా ఇబ్బందికి గురయ్యానని ఆమె అన్నారు. 2012 లో విడుదలైన సెకండ్ మ్యారేజ్ డాట్ కామ్ చిత్రంతో సయాన గుప్త సిల్వర్ స్క్రీన్ కి పరిచయం అయ్యింది.
బెంగాలీ, హిందీ చిత్రాల్లో ఆమె నటించారు. వెబ్ సిరీస్లలో సైతం కీలక పాత్రలు చేసింది. 2024లో ఖవాబన్ కా జమెలా అనే చిత్రం చేశారు. సయాన గుప్త 1985లో కలకత్తాలో జన్మించారు. ఆమె కెరీర్లో పలు బోల్డ్ రోల్స్ చేసింది. ఇక సయాన గుప్త లేటెస్ట్ కామెంట్స్ పరిశ్రమలో ప్రకంపనలు రేపుతున్నాయి. ఆమెతో అసభ్యకరంగా ప్రవర్తించిన సదరు నటుడు ఎవరనే చర్చ నడుస్తుంది.
