Nani: నేచురల్ స్టార్ నాని నుంచి సినిమాలు వస్తున్నాయంటే చాలు ఏదో కొత్తదనం ఉండబోతుందని ప్రేక్షకులు ఆశిస్తుంటారు. తన నటనతో పాటు విభిన్న పాత్రలు ఎంచుకుంటూ… ఎప్పటికప్పుడు అభిమానులను అకట్టుకుంటున్నారు. ఈ క్రమంలోనే వరుస సినిమాలతో బిజీగా ఉన్నారు నాని. ఇటీవలే టక్ జగదీశ్తో ఓటీటీ వేదికగా పలకరించిన నాని మంచి టాక్ను అందుకున్నారు. ఈ సినిమాతో ప్రేక్షకుల కుటుంబాల్లో ఒకరిగా కలిసిపోయారు నాని.
ఇందులో రీతూ వర్మ, ఐశ్వర్య రాజేష్లు హీరోయిన్స్గా నటించారు. శివ నిర్వాణ ఈ సినిమాకు దర్శకత్వం వహించారు. మరోవైపు రాహుల్ సాంకృత్యాన్ దర్శకత్వంలో తెరకెక్కుతోన్న శ్యామ్ సింగ రాయ్ సినిమా షూటింగ్లో బిజీగా ఉన్నారు. ఈ చిత్రం లో కృతి శెట్టి ,సాయి పల్లవి, మడోన్నా సెబాస్టియన్, మురళి శర్మ , అభినవ్ గోమాతమ్ తదితరులు నటిస్తున్నారు
అయితే తాజాగా శ్రీ లక్ష్మీ వెంకటేశ్వర సినిమాస్ బ్యానర్ పై మరో సినిమాకు ఓకే చెప్పారు నాని. సుధాకర్ చెరుకూరి నిర్మిస్తున్న ఈ సినిమాకు శ్రీకాంత్ ఓదేల దర్శకత్వం వహిస్తున్నారు. ‘దసరా’ అనే టైటిల్తో ఈ చిత్రం తెరకెక్కనుంది. ఇందులో కీర్తి సురేష్ హీరోయిన్గా నటిస్తున్నారు. ఇందులో నాని తెలంగాణ యాసలో అభిమానులు అలరించనుండగా… సంతోష్ నారయణ్ సంగీతం అందిస్తున్నారు.
జమ్మి వెట్టి జెప్తాన్న బద్దల్ బాసిoగాలైతై, సూస్ కుందాం
Here’s the #SirenOfDasara 💥
▶️https://t.co/lrHSBYjfhPAnd our proud team @KeerthyOfficial @odela_srikanth @Music_Santhosh @sathyaDP @NavinNooli @artkolla @kabilanchelliah @SLVCinemasOffl pic.twitter.com/GRdwhRUZsz
— Nani (@NameisNani) October 15, 2021
నాని ఈ చిత్రంలో తెలంగాణ యువకుడిగా కనిపించేందుకు సిద్ధమవుతున్నారు. ఈ క్రమంలోనే ఆయన ప్రత్యేకంగా ఓ ట్యూటర్ని కూడా నియమించుకున్నట్టు సమాచారం. గతంలో తను నటించిన ‘కృష్ణార్జున యుద్ధం’ సినిమా కోసం రాయలసీమ యాస నేర్చుకున్న విషయం అందరికి తెలిసిందే. మరి ఈ తెలంగాణ యువకుడిగా నాని ఎలా అలరిస్తారో చూడాలి.
