రామ్ నటించిన ‘ఇస్మార్ట్ శంకర్’ భారీ విజయం సాధించిన సంగతి తెల్సిందే. పూరి జగన్మాథ్ దర్శకత్వంలో వచ్చిన ‘ఇస్మార్ట్ శంకర్’తో హీరో రామ్, దర్శకుడు పూరి మళ్లీ హిట్టు బాటపట్టారు. పూరి జగన్మాథ్, చార్మిలకు ‘ఇస్మార్ట్ శంకర్’ మంచి లాభాలను మిగిల్చింది. ‘ఇస్మార్ట్ శంకర్’ తర్వాత రామ్ చేస్తున్న మూవీ ‘రెడ్’. ఈ చిత్ర షూటింగ్ శరవేగంగా జరుపుకుంటుంది. తాజాగా ఈ చిత్రానికి సంబంధించిన ఒక ఇంట్రస్టింగ్ న్యూస్ బయటికి వచ్చింది.
‘రెడ్’ మూవీలో రామ్ సరసన నివేదా పేతురాజ్, మాళవిక శర్మ, అమృతా అయ్యర్ నటిస్తున్నారు. తాజాగా మరో హాట్ బ్యూటీ ఒక స్పెషల్ సాంగ్లో కనిపించబోతుంది. ‘కుమారి 21ఎఫ్’ మూవీతో తెలుగు ప్రేక్షకులకు హెబ్బా పటేల్ పరిచమైంది. ఈ మూవీలో హెబ్బా పటేల్ నటనకు కుర్రకారు ఫిదా అయ్యారు. యువతలో హెబ్బా పటేల్ కు భారీ ఫ్యాన్ ఫాలోయింగ్ ఉంది. హబ్బా పటేల్ కు ఇటీవల నుంచి హీరోయిన్ గా అవకాశాలు తగ్గుముఖం పట్టడంతో స్పెషల్ సాంగ్స్ పై దృష్టిసారించింది. దీంతో ‘రెడ్’ మూవీలో నటించేందుకు గ్రీన్ సిగ్నల్ ఇచ్చినట్లు తెలుస్తోంది. రామ్-హెబ్బాపటేల్ పై ప్రస్తుతం రామోజీ ఫిల్మ్ సిటీలో తాజాగా పాటను చిత్రీకరిస్తున్నారు.
‘రెడ్’ చిత్రానికి తిరుమల కిషోర్ దర్శకత్వం వహిస్తున్నాడు. శ్రీ స్రవంతి మూవీస్ పతాకంపై ‘స్రవంతి’ రవికిషోర్ ‘రెడ్’ చిత్రాన్ని నిర్మిస్తున్నాడు. ఇటీవల ‘రెడ్’ చిత్రంలోని పాటలను ఇటలీలో చిత్రీకరించారు. హీరోయిన్ మాళవిక, రామ్ లపై అందమైన లోకేషన్లలో పాటలను చిత్రీకరించారు. మణిశర్మ అదిరిపోయే బాణీలను సమకూరుస్తున్నాడు. ‘రెడ్’ మూవీ శరవేగంగా చిత్రీకరణ జరుపుకుంటుంది. ఏప్రిల్ 9న సినిమాను రిలీజ్ చేసేందుకు చిత్రబృందం సన్నహాలు చేస్తుంది.
