Rajini Kanth: రజినీకాంత్ ‘పెద్దన్న’ మూవీ నుంచి… ‘హాలి హాలి’ లిరికల్ సాంగ్ రిలీజ్

Rajini Kanth: సూపర్ స్టార్ రజినీకాంత్ నటించిన తాజా చిత్రం ‘అన్నాత్తే’. దీనిని తెలుగులో ” పెద్దన్న ” పేరుతో విడుదల చేస్తున్న సంగతి తెలిసిందే. దేశ విదేశాల్లో అభిమానులను సంపాదించుకున్న రజినీకి తెలుగులో కూడా మంచి మార్కెట్ ఉందని చెప్పాలి. శివ దర్శకత్వంలో తెరకెక్కిన సినిమాని… సన్ పిక్చర్స్ సంస్థ భారీ బడ్జెట్‌తో నిర్మించింది. ఈ సినిమాలో నయనతార హీరోయిన్‌ గా నటిస్తుండగా… కీర్తి సురేష్ రజినీకాంత్ చెల్లెలి క్యారెక్టర్ లో కనిపించనుంది. అయితే ” పెద్దన్న ” మూవీని దీపావళి కానుకగా నవంబర్ 4న ప్రపంచ వ్యాప్తంగా విడుదల చేస్తున్నారు.

అయితే తాజాగా పెద్దన్న సినిమా నుంచి “హాలి  హాలి ” పాటను మూవీ యూనిట్ విడుదల చేసింది. ఈ మేరకు సోషల్ మీడియా వేదికగా లిరికర్ వీడియొ ను రిలీజ్ చేశారు. తెలుగులో ” పెద్దన్న” చిత్ర హక్కులను ఏషియన్ సినిమాస్ రూ. 12 కోట్లకు కొనుగోలు చేసింది. గతంలో రజినీకాంత్ సినిమాలతో పోలిస్తే ఇది చాలా తక్కువ అనే చెప్పాలి. ఇప్పటికే ఈ సినిమా నుంచి విడుదలైన టీజర్, ట్రైలర్‌కు మంచి ప్రేక్షకుల నుంచి భారీ స్పందన లభిస్తుంది. ఈ సినిమా రిలీజ్ కు సమయం దగ్గర పడుతున్న తరుణంలో రజినీకాంత్  ప్రతిష్ఠాత్మక దాదాసాహెబ్ ఫాల్కే అవార్డు అందుకున్నారు. ఈ విషయంలో ఆయన అభిమానులంతా ఆనంద పడుతున్న నేపద్యంలో అస్వస్థతకు గురై హాస్పిటల్ లో చేరడం అందరికీ షాక్ ఇచ్చింది. ఇటీవల హాస్పిటల్‌ నుంచి డిశ్చార్జ్ రజినీకాంత్ కావడంతో ఆయన అభిమానులు ఊపిరి పీల్చుకున్నారు.