Trisha Deputy CM Rumors: తమిళ హీరో విజయ్ స్థాపించిన టీవీకే పార్టీ రీసెంట్ గా జరిగిన సార్వత్రిక ఎన్నికల్లో ఘనవిజయం సాధించిన సంగతి తెలిసిందే. ఒంటరిగా ఎన్నికల బరిలో దిగి, 5 దశాబ్దాల నుండి తమిళనాడు రాష్ట్రాన్ని ఏలుతున్న ద్రవిడ పార్టీల కంచుకోటలు బద్దలు కొట్టి ముఖ్యమంత్రి కాబోతుండడం అనేది సాధారణమైన విషయం కాదు. అయితే ప్రభుత్వ ఏర్పాటుకి విజయ్ కు మ్యాజిక్ ఫిగర్ 118 సీట్లు అవసరం ఉండగా , ఆయనకు కేవలం 114 స్థానాలు మాత్రమే దక్కాయి. అందుకే టీవీకే కి 107 స్థానాలు రాగా, కాంగ్రెస్ పార్టీ కి 5 స్థానాలు, మరియు ఇతర చిన్న పార్టీల నుండి 2 స్థానాలు తోడయ్యాయి. గవర్నర్ 118 సీట్లు ఉంటేనే ప్రభుత్వ ఏర్పాటుకి అనుమతిని ఇస్తానని గట్టిగా చెప్పడంతో విజయ్ ప్రమాణస్వీకారోత్సవం వాయిదా పడింది.
ఇదంతా పక్కన పెడితే విజయ్ రాజకీయ పార్టీ ని స్థాపించడానికి ముఖ్య కారణమైన వ్యక్తి త్రిష. గత కొంతకాలంగా త్రిష తో ఆయన సహజీవనం చేస్తున్న సంగతి తెలిసిందే. ఈ విషయాన్నీ విజయ్ ఎన్నికల ముందే అధికారికంగా చెప్పకనే చెప్పాడు. అయితే త్రిష కోరిక మీదనే పార్టీ పెట్టాడు అని తమిళ మీడియా లో జోరుగా ప్రచారం సాగుతున్న వేళ, ఆయన పార్టీ ఎన్నికల్లో గెలవగానే , కచ్చితంగా త్రిష కి ఉపముఖ్యమంత్రి పదవి ఇస్తాడని పెద్ద ఎత్తున ప్రచారం సాగింది. విజయ్ త్రిచి ఈస్ట్, మరియు పెరంబూరు స్థానాల నుండి పోటీ చేసి గెలవగా , త్రిచి స్థానానికి ఆయన రాజీనామా చేస్తాడని, ఆ తర్వాత ఆ స్థానం నుండి త్రిష పోటీ చేస్తుందని , పోటీ చేసి గెలిచిన తర్వాత ఆమెకు ఉప ముఖ్యమంత్రి పదవి ఇస్తాడని , ఇలా ఎన్నో రకాలుగా ప్రచారాలు సాగింది.
ఇప్పుడు లేటెస్ట్ గా వినిపిస్తున్న టాక్ ఏమిటంటే, త్రిష ని తన క్యాబినెట్ లోకి తీసుకునే ఉద్దేశ్యం లో లేదట విజయ్. ఆమెని కేవలం పార్టీ అంతర్గత వ్యవహారాలకు మాత్రమే పరిమితం చేస్తే బాగుంటుందని, ప్రత్యక్ష రాజకీయాల్లోకి తీసుకొచ్చి ఆమెకు లేనిపోని నెగెటివిటీ ని తీసుకొని రావడం విజయ్ కి ఇష్టం లేదని కోలీవుడ్ వర్గాల్లో వినిపిస్తున్న మాట. కానీ త్రిష కి మాత్రం రాజకీయాల్లోకి రావాలని, మంత్రి పదవి చేపట్టాలని కోరిక ఉంది. కానీ విజయ్ అకస్మాత్తుగా ఇలాంటి నిర్ణయం తీసుకోవడం తో ఆమె కాస్త నిరాశకు గురైనట్టు కోలీవుడ్ లో వార్తలు వినిపిస్తున్నాయి. చూడాలి మరి రాబోయే రోజుల్లో ఏమి జరగబోతుంది అనేది.
