Star heroine : తెలుగు హీరోయిన్ గా పేరు సంపాదించిన భాను ప్రియ గురించి ప్రత్యేకంగా చెప్పాల్సిన అవసరం లేదు. కానీ ఈమె వ్యక్తిగత జీవితం గురించి మాత్రం చాలా తక్కువ మందికి తెలుసు. ఈమె తెలుగుతో పాటు కన్నడ సినిమాల్లో నటించి మంచి పేరు సంపాదించింది. అయితే కొంత సమయంలోనే పేరు సంపాదించినా ఈ బ్యూటీ.. త్వరగానే సినిమా రంగం నుంచి తప్పుకుంది. సుమారు 120 సినిమాల్లో నటించిన ఈ అమ్మడు.. ఇటీవల కాలంలో అప్పుడప్పుడు క్యారెక్టర్ పాత్రలు చేస్తూ కనిపిస్తుంది.
భానుప్రియ స్వస్థలం రాజమండ్రి అంటే చాలా మంది ఆశ్చర్యపోతారు కావచ్చు. 1980లలో దర్శకుడు వంశీ సితార సినిమాకు ఫ్లాన్ చేస్తున్నారు. అప్పుడు ఆయన చాలా మందిని పరిశీలించారు. కానీ ఆ కథకు తగిన హీరోయిన్ లభించలేదు. ముందు జయప్రదను అనుకున్నారు. కానీ వయసు ఎక్కువగా ఉండడంతో కాదనుకొని హీరోయిన్ ల వేట ప్రారంభించారు. ఈ సమయంలోనే రాళ్లపల్లి సలహాతో రాజమండ్రి లో ఉన్న భానుప్రియను పిలిచి స్క్రీన్ టెస్టులు చేశారు.
తొలి ప్రయత్నంలోనే వంశీకి ఈమె నచ్చేసిందట. దీంతో సితార సినిమాతో ఆమెను ఇండిస్ట్రీకి హీరోయిన్ గా పరిచయం చేశారు వంశీ. ఈ సినిమాలో కథ మొత్తం హీరోయిన్ చుట్టూనే తిరుగుతుంటుంది. పాటలు హైలెట్. సినిమా సూపర్ హిట్. అలా భానుప్రియకు వెనుదిరిగి చూసుకోవాల్సిన అవసరం రాలేదు. ఇక 1980-1993 మధ్యకాలంలో ఆమె అనేక తెలుగు, తమిళ చిత్రాలలో హీరోయిన్ గా నటించింది.
1990లలో కొన్ని బాలీవుడ్ చిత్రాలలో కూడా నటించిన ఈ అమ్మడు.. సోదరి నిషాంతి కూడా శాంతిప్రియ అన్న పేరుతో తెలుగు తెరకు పరిచయం అయ్యేలా చేసింది. తర్వాత వంశీ తిసిన మహర్షి సినిమాలో ఈమె హీరోయిన్ గా నటించింది. అయితే భాను ప్రస్తుతం అమెరికాలో ఉంటూ.. దక్షిణ భారతదేశ శాస్త్రీయ నృత్యరీతులైన కూచిపూడి, భరతనాట్యంలో శిక్షణ ఇస్తూ.. ఇన్ స్టిట్యూట్ రన్ చేస్తుందట. అయితే ఈమె డాన్స్ కు కూడా మంచి మార్కులు పడేవి. అవే ఈమెను డాన్స్ స్కూల్ పెట్టేలా నడిపించాయి అంటూ కామెంట్లు చేస్తున్నారు నెటిజన్లు.
