Peddi Movie Premiere Ticket Rates: గ్లోబల్ స్టార్ రామ్ చరణ్ హీరో గా నటించిన ‘పెద్ది’ చిత్రం పై అభిమానుల్లో ప్రేక్షకుల్లో ఉన్నటువంటి అంచనాలు ఏ రేంజ్ అనేది ప్రత్యేకించి చెప్పనవసరం లేదు. సంక్రాంతి తర్వాత నాలుగు నెలల నుండి సరైన సినిమా లేక ఇబ్బంది పడుతున్న బయ్యర్స్ ఈ సినిమా మీదనే బోలెడన్ని ఆశలు పెట్టుకున్నారు. అభిమానులు కూడా ఈ చిత్రం తో రామ్ చరణ్ కుంభస్థలం బద్దలు కొడుతాడు అనే బలమైన నమ్మకంతో ఉన్నారు. పాన్ ఇండియా లెవెల్ లో రంగస్థలం రేంజ్ హిట్ గా నిల్చి, వెయ్యి కోట్ల గ్రాస్ ని రాబడుతుందని అంటున్నారు. ప్రొమోషన్స్ ని కూడా ఈ నెల 18 నుండి చాలా అగ్రెసివ్ గా మొదలు పెట్టబోతున్నారు. ముందుగా 18 న ముంబై లో ట్రైలర్ లాంచ్ ఈవెంట్ ని ఏర్పాటు చేయబోతున్నారు, ఆ తర్వాత భోపాల్ లో స్పెషల్ సాంగ్ ని విడుదల చేసి మ్యూజికల్ నైట్ ఈవెంట్ ని ఏర్పాటు చేయనున్నారు.
ఈ ఈవెంట్ లో AR రెహమాన్ లైవ్ పెర్ఫార్మన్స్ కూడా ఉండబోతుంది. ఇదంతా పక్కన పెడితే , ఈ చిత్రానికి సంబంధించిన ప్రీమియర్ షోస్ అప్డేట్ ఒకటి ఇప్పుడు సోషల్ మీడియా లో లీకై బాగా వైరల్ అయ్యింది. జూన్ 3 న ఇండియా వైడ్ గా ప్రీమియర్ షోస్ ని ఏర్పాటు చేయబోతున్నారు మేకర్స్. అందుకే తెలంగాణ లో ప్రీమియర్ షోస్ టికెట్ రేట్ 600 కి పెట్టుకునేలా అనుమతిని ఇవ్వాలంటూ ప్రభుత్వానికి రిక్వెస్ట్ పెట్టుకున్నారు మేకర్స్. అదే విధంగా సింగిల్ స్క్రీన్ థియేటర్స్, మల్టీ ప్లెక్స్ థియేటర్స్ కి ప్రస్తుతం ఉన్న రేట్స్ మీద 100 రూపాయిలు పెంచాల్సిందిగా కోరారు. మరి ప్రభుత్వం అనుమతి ఇస్తుందా లేదా అనేది చూడాలి. ఒకవేళ ప్రభుత్వం అనుమతి ఇచ్చినా, హై కోర్టు ఆ అనుమతిని నిరాకరించే అవకాశాలు ఉన్నాయి. చూడాలి మరి ఏమి జరగబోతుంది అనేది.
అయితే ప్రీమియర్ షోస్ కి 600 రూపాయిలు పెట్టాలనే ఆలోచన కచ్చితంగా స్వాగతించబడినది. పవన్ కళ్యాణ్ ఓజీ చిత్రానికి 800 రూపాయిల టికెట్ రేట్స్ పెట్టారు. కానీ ఈ చిత్రానికి కేవలం 600 రూపాయిలు మాత్రమే పెట్టారు . ఈ రేంజ్ హైప్ ఉన్న సినిమాకు ఇంత తక్కువ పెట్టడం వల్ల, ఫుట్ ఫాల్స్ భారీగా పెరిగే అవకాశం ఉంది, గ్రాస్ కూడా అద్బురంగా వచ్చే అవకాశాలు ఉన్నాయి. చూడాలి మరి ఏమి జరగబోతుంది అనేది.
