Peddi 3 Weeks Collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం ఇప్పటికీ థియేటర్స్ లో విజయవంతంగా నడుస్తూ డీసెంట్ షేర్ వసూళ్లను రాబడుతోంది. ఈ వీకెండ్ తో ఈ చిత్రం కచ్చితంగా రెండు ప్రధానమైన మైల్ స్టోన్స్ ని దాటనుంది. అవేమిటంటే వరల్డ్ వైడ్ గా 350 కోట్ల గ్రాస్ మార్క్ , అదే విధంగా తెలుగు రాష్ట్రాల నుండి 150 కోట్ల రూపాయిల షేర్ మార్క్ ని కూడా దాటబోతుంది. ఈ రెండు అరుదైన బెంచ్ మార్క్స్ ని ఇప్పటి వరకు కేవలం కొన్ని సినిమాలు మాత్రమే అందుకున్నాయి , వాటిల్లో ‘పెద్ది’ కూడా చేరిపోవడం అభిమానులకు ఒక విధంగా గర్వ కారణం అని చెప్పొచ్చు. ఒక రూరల్ బ్యాక్ డ్రాప్ సందేశాత్మక చిత్రానికి కమర్షియల్ గా ఇంత వసూళ్లు రావడం అనేది సాధారణమైన విషయం కాదు. 3 వారాల థియేట్రికల్ రన్ ని పూర్తి చేసుకున్న ఈ చిత్రానికి ప్రాంతాల వారీగా ఎంత వసూళ్లు వచ్చాయి అనేది ఇప్పుడు చూద్దాం.
నైజాం ప్రాంతం లో ఇప్పటి వరకు ఈ చిత్రానికి 54 కోట్ల 36 లక్షల రూపాయిల షేర్ వసూళ్లు వచ్చాయి. 16 కోట్ల షేర్ ఓపెనింగ్ తో ఇంత దూరం రావడం చిన్న విషయం కాదు. అదే విధంగా సీడెడ్ ప్రాంతం నుండి 20 కోట్ల 92 లక్షల రూపాయిల షేర్ వసూళ్లు వచ్చాయి. బ్రేక్ ఈవెన్ మార్కుని అందుకోవడానికి మరో 3 కోట్ల షేర్ వసూళ్లను రాబట్టాల్సి ఉంటుంది ఈ ప్రాంతంలో. ఇక ఉత్తరాంధ్ర ప్రాంతంలో అయితే ఈ చిత్రానికి ఏకంగా 22 కోట్ల 80 లక్షల రూపాయిల షేర్ వసూళ్లు వచ్చాయి. సంక్రాంతి సీజన్ లో కూడా వేరే సీజన్ లో ఈ ప్రాంతం నుండి ఈ రేంజ్ షేర్ వసూళ్లు రావడం గమనార్హం. అదే విధంగా ఈస్ట్ గోదావరి నుండి 12 కోట్ల 84 లక్షలు , వెస్ట్ గోదావరి నుండి 9 కోట్ల 7 లక్షల రూపాయిల షేర్ వసూళ్లు వచ్చాయి.
ఇక గుంటూరు జిల్లా నుండి 12 కోట్ల 57 లక్షల రూపాయిల షేర్ వసూళ్లను రాబట్టిన ఈ చిత్రానికి , కృష్ణా జిల్లా నుండి 10 కోట్ల 18 లక్షల రూపాయిల షేర్ వసూళ్లు వచ్చాయి. ఇక నెల్లూరు జిల్లా నుండి అయితే మూడు వారాల్లో ఈ చిత్రానికి 5 కోట్ల 83 లక్షల రూపాయిల షేర్ వసూళ్లు వచ్చాయి. ఓవరాల్ గా ఈ చిత్రానికి తెలుగు రాష్ట్రాల నుండి 148 కోట్ల 57 లక్షలు , 228 కోట్ల 50 లక్షలు వచ్చాయి. అదే విధంగా కర్ణాటక నుండి 15 కోట్ల 25 లక్షలు , తమిళనాడు + కేరళ నుండి 2 కోట్ల 40 లక్షలు , హిందీ + రెస్ట్ ఆఫ్ ఇండియా నుండి 12 కోట్ల 15 లక్షలు , ఓవర్సీస్ నుండి 23 కోట్ల 60 లక్షలు రాబట్టింది. ఓవరాల్ గా ప్రపంచవ్యాప్తంగా 202 కోట్ల రూపాయిల షేర్ వసూళ్లు , 344 కోట్ల రూపాయిల గ్రాస్ వసూళ్లు వచ్చాయి.
