Nithiin Malkajgiri Shooting: యూత్ లో ఆడియన్స్ లో మంచి క్రేజ్ , ఫ్యాన్ ఫాలోయింగ్ సంపాదించుకొని , తనకంటూ ఒక ప్రత్యేకమైన మార్కెట్ ని ఏర్పాటు చేసుకున్న నితిన్, ప్రస్తుతానికి వరుస డిజాస్టర్ ఫ్లాప్స్ తో , పూర్తి స్థాయిలో తన మార్కెట్ ని పోగొట్టుకునే రేంజ్ కి పడిపోయిన సంగతి అందరికీ తెలిసిందే. ఆయన గత చిత్రం ‘తమ్ముడు’ కూడా భారీ అంచనాల నడుమ విడుదలై డిజాస్టర్ ఫ్లాప్ గా మిగిలింది. దీంతో ఈ చిత్ర నిర్మాత , తదుపరి నితిన్ తో చెయ్యాలని అనుకున్న ‘ఎల్లమ్మ’ ప్రాజెక్ట్ ని కూడా ఆపేయాల్సి వచ్చింది. ఇక నితిన్ కెరీర్ అయిపోయినట్టే, ఆయనతో సినిమాలు చేయడానికి ఏ నిర్మాత కూడా ఇప్పుడు సిద్ధంగా లేరని అంతా అనుకున్నారు. సరిగ్గా అలాంటి సమయం లోనే వచ్చారు ప్రముఖ నిర్మాత సూర్య దేవర నాగవంశీ.
సితార ఎంటర్టైన్మెంట్స్ బ్యానర్ పై , నితిన్ ని హీరో గా పెట్టి రీసెంట్ గానే ఆయన ఒక సినిమాని మొదలు పెట్టారు. ఈ చిత్రం ద్వారా నరి , సోము అనే ఇద్దరు డైరెక్టర్స్ ఇండస్ట్రీ కి పరిచయం కాబోతున్నారు. ఈ చిత్రానికి సంబంధించిన రెగ్యులర్ షూటింగ్ ప్రస్తుతం హైదరాబాద్ లోని మల్కాజ్ గిరి ప్రాంతం లోని ఒక కాలనీ లో జరుగుతోంది. ఈ కాలనీ లో హీరో నితిన్ చాలా సామాన్యుడి గెటప్ లో కనిపించడం గమనార్హం. ఒక మధ్యతరగతి కుటుంబానికి చెందిన వాడిగా కనిపించారట. స్థానికులకు కూడా ఆయన అభివాదం చేస్తూ కనిపించారు. అందుకు సంబంధించిన వీడియో ఇప్పుడు సోషల్ మీడియా లో బాగా వైరల్ అయ్యింది. చూస్తుంటే నితిన్ కి చాలా కాలం తర్వాత బాయ్ టు నెక్స్ట్ డోర్ తరహా పాత్ర దొరికినట్టుగా అనిపిస్తోందని , కచ్చితంగా ఈ సినిమాతో ఆయన భారీ కం బ్యాక్ ఇస్తారని , ఈ మేకింగ్ వీడియో చూసిన నెటిజెన్స్ అంటున్నారు.
ఇకపోతే ఈ చిత్రంలో హీరోయిన్ పాత్ర కోసం ముందుగా ‘మిరాయ్’ ఫేమ్ రితిక నాయక్ ని ఎంచుకున్నారు. కానీ ఏమైందో ఏమో తెలియదు కానీ , ఆమె ఈ చిత్రం నుండి తప్పుకుంది. దీంతో ఆమె స్థానం లోకి ఇప్పుడు వైష్ణవి చైతన్య ని ఎంచుకున్నారు. గతం లో సితార ఎంటర్టైన్మెంట్స్ బ్యానర్ లో నితిన్ హీరో గా ‘రంగ్ దే ‘ అనే చిత్రం తెరకెక్కింది. ఈ చిత్రానికి ఆడియన్స్ నుండి మంచి పాజిటివ్ టాక్ వచ్చింది కానీ , కరోనా ప్రభావం వల్ల లాంగ్ రన్ దక్కలేదు. దీంతో బాక్స్ ఆఫీస్ వద్ద ఈ చిత్రం యావరేజ్ గ్రాసర్ గా నిల్చింది. కానీ ఈసారి గురి తప్పే ఛాన్స్ లేదని , పక్కా హిట్ కొడుతారని అంటున్నారు ఫ్యాన్స్, చూడాలి మరి , అది ఎంత వరకు నిజం అవుతుంది అనేది.
