Maa Inti Bangaram Collections: సమంత ప్రధాన పాత్ర పోషించిన ‘మా ఇంటి బంగారం’ చిత్రం బాక్స్ ఆఫీస్ వద్ద రాబడుతున్న వసూళ్లను చూసి తలపండిన ట్రేడ్ పండితులు సైతం నోరెళ్లబెడుతున్నారు. నాన్ స్టాప్ గా వారం రోజుల పాటు తెలుగు రాష్ట్రాల నుండి కోటి కి పైగా షేర్ వసూళ్లను రాబట్టడం ఈమధ్య కాలం లో కొంతమంది స్టార్ హీరోలకు కూడా సాధ్యం అవ్వలేదు. అలాంటిది సమంత నాన్ స్టాప్ గా వారం రోజులు కాదు , ఏకంగా 9 రోజులు తెలుగు రాష్ట్రాల నుండి కోటి కి పైగా షేర్ వసూళ్లను రాబట్టి సరికొత్త చరిత్ర సృష్టించింది. కేవలం రెండవ రోజునే బ్రేక్ ఈవెన్ మార్కుని సొంతం చేసుకున్న ఈ చిత్రం , 9 రోజుల్లో ఏ రేంజ్ లాభాలను రాబట్టింది?, ప్రాంతాల వారీగా ఎంత వసూళ్లను రాబట్టింది అనేది ఇప్పుడు చూడబోతున్నాం.
ట్రేడ్ విలాసేషకులు అందిస్తున్న సమాచారం ప్రకారం ఈ చిత్రానికి 9 వ రోజున తెలుగు రాష్ట్రాల నుండి 2 కోట్ల రూపాయలకు పైగా షేర్ వసూళ్లను రాబట్టింది. ఇది మొదటి రోజు వసూళ్లకంటే ఎక్కువ. ప్రాంతాల వారీగా 9 రోజుల్లో వచ్చిన వసూళ్లను ఒకసారి పరిశీలిస్తే నైజాం ప్రాంతం నుండి 10 కోట్ల 85 లక్షల రూపాయిల షేర్ వసూళ్లను రాబట్టగా, ఆంధ్ర ప్రదేశ్ నుండి 8 కోట్ల 5 లక్షల రూపాయిల షేర్ వసూళ్లను రాబట్టింది. ఓవరాల్ గా 9 రోజుల్లో తెలుగు రాష్ట్రాల నుండి ఈ చిత్రానికి 18 కోట్ల 90 లక్షలు షేర్ వసూళ్లు, 32 కోట్ల 75 లక్షల రూపాయిల గ్రాస్ వసూళ్లను రాబట్టింది ఈ చిత్రం. ఇతర ప్రాంతాల నుండి రాబట్టిన వసూళ్లను ఒకసారి పరిశీలిస్తే తమిళనాడు నుండి 1 కోటి 60 లక్షలు , కర్ణాటక + రెస్ట్ ఆఫ్ ఇండియా నుండి 4 కోట్ల 10 లక్షలు , ఓవర్సీస్ నుండి 9 కోట్ల 5 లక్షల రూపాయిల షేర్ వసూళ్లు వచ్చాయి.
ఓవరాల్ వరల్డ్ వైడ్ గా 33 కోట్ల 65 లక్షల రూపాయిల షేర్ వసూళ్లు , 68 కోట్ల 45 లక్షల రూపాయిల గ్రాస్ వసూళ్లను రాబట్టింది. కేవలం 12 కోట్ల రూపాయిల ప్రీ రిలీజ్ బిజినెస్ జరుపుకున్న ఈ చిత్రానికి 21 కోట్ల 65 లక్షల రూపాయిల లాభాలు వచ్చాయి. బిజినెస్ టర్మ్స్ ప్రకారం చూస్తే ఇదొక ట్రిపుల్ బ్లాక్ బస్టర్ గా పరిగణించొచ్చు. సోమవారం నుండి కలెక్షన్స్ స్టడీ గా ఉంటే , కచ్చితంగా ఈ చిత్రం లాంగ్ రన్ లో 100 కోట్ల గ్రాస్ మార్కుని కూడా అందుకునే అవకాశాలు ఉన్నాయట. చూడాలి మరి ఆ రేంజ్ కి వెళ్తుందా లేదా అనేది.
